#NSS愛情
[Guest ] Admin plz po ig 🙏🏻
Sorry 我係黃咖哩和豬仔嘅樓豬 希望admin唔好po我第一個投稿 因為還有修改之處🙏🏻
本故事純屬虛構 如有巧合 實屬巧合
人物介紹：
黃咖喱（男）：一個風趣幽默，鐘意打機，成日撩女仔傾計，但係都係一個幾專一嘅人。
豬仔（女）：黃咖喱幫佢改嘅花名，因為佢成日都處於眼瞓 mode，食飽就瞓。
大祖（男）：豬仔嘅知己，喺學校成績幾好，所以身邊有好多女性朋友。
花生（女）：豬仔嘅閨蜜。
青蛙王子（男）：豬仔嘅暗戀對象，黃咖喱嘅好友。
背景：
2018年某一日，黃咖喱參加咗一個校內活動，無意中就同大祖frd咗。而當日活動完左之後，黃咖喱去等車嘅時候，見到大祖同豬仔一起等車，就講笑咁講：「你地兩個係咪😏，wohhh，明啦😂」就係嗰陣，黃咖喱就識多左個frd：豬仔。
好啦，故事而家進入正題。
雖然黃咖喱喺2018年認識左豬仔，但係佢哋當時都唔係好熟，所以就有大半年冇聯絡過。當初黃咖喱都以為識完多一個frd等於冇識過，亦都已經慣左，因為黃咖喱身邊好少真係同佢熟嘅frd。
時光飛逝，一眨眼就到左2019年年尾，因為疫情關係，每日都有好多時間留喺屋企。黃咖喱機緣巧合地喺ig又同豬仔and花生熟左，之後就每日都搵豬仔同花生打機，傾計…。
黃咖喱同豬仔兩個打機嘅時候，陌生嘅隊友都會問：「你地兩個係咪cp嚟㗎？😂」豬仔就話：「😂唔係啊😂😂😂，點解咁問，我同佢邊度似啊😂，佢有好多女㗎😂」隊友就話：「你地兩個講嘢咁sweet，係人唔知都以為你地係㗎啦」話題就咁告一段落。
當佢地熟左之後，二人每日都會打機、傾電話，每日都有3-4個鐘同對方「相處」，佢地單獨「相處」嘅時候，豬仔會向黃咖喱訴苦，而黃咖喱會開解佢，幫佢諗吓辦法解決問題，之後用啲爛到出汁嘅爛gag來tum返豬仔開心。
有一次打機，黃咖喱問豬仔佢暗戀嘅人係邊個，經過一輪猜測之後，黃咖喱總算知道嗰個人就係青蛙王子。黃咖喱當時就問豬仔：「如果要你喺青蛙王子同一個鐘意你嘅人之間揀一個，你會揀邊個。」過左半日，豬仔答黃咖喱：「ummmm，我應該會揀後者」
相信故事睇到呢度，各位讀者都會估到黃咖喱想做咩，冇錯，就係你諗咁樣。
又有一次打機，黃咖喱同豬仔打賭，輸左嗰個就要唱歌。經過一輪激戰，黃咖喱以一分嘅優勢贏左豬仔，豬仔就應承唱歌，但係前提係黃咖喱要同佢一齊唱。於是，佢地隨機抽左一首歌，相信大家都應該聽過《心之科學》同《銀河修理員》，冇錯，佢地一齊合唱兩首歌，其他隊友聽到都話佢地兩個要有feel，黃咖喱心裡就好似打左一支強心針，一有機會就會全力出擊，唔會放過任何一個機會。
過左兩個幾三個月嘅網課生活，終於都係敵不過要返學嘅命運。但係復課第二日，放學嘅時候，黃咖喱見到豬仔同大祖兩個一起放學，黃咖喱心如刀割，心諗：「我千算萬算，就係算漏左大祖…」
當黃咖喱搭車返屋企嘅時候，不停咁諗「佢地兩個企埋一齊咁襯，輪到未輪到我啦」就喺呢個時候，豬仔傳來一條WhatsApp 訊息，問：「親，你幾時得閒，你上次影左個數學同埋其他比我，我請返你飲野？」但係呢個時候嘅黃咖喱，心裡唔係開心，而係心裡響起了一句豬仔同佢打機嘅時候，唱過嘅一句歌詞：
「無言的 親 親 親 侵襲我心
仍寧願親口講你累得很
如除我以外 在你心 還多出一個人…」
返到屋企，黃咖喱一面聽歌一面做功課，當佢部手機播到《心之科學》嘅時候，黃咖喱隨心而發咁唱左幾句
「情人不愛你 還不愛你…」
「被愛概率 如宇宙 陰深詭秘」
當黃咖喱夜晚瞓覺嘅時候 喺度諗「我究竟應該放棄，定係放膽去同豬仔表白呢；如果表白，又應該點樣同佢講呢…」反覆諗左個幾鐘，佢未諗到結論就已經瞓著左。
故事講到呢度，各位讀者們希望結局係點樣呢👀，希望你地可以喺👇🏻度留言，話比黃咖喱聽，佢應該點做好。
（黃咖喱知道你有follow呢個page，希望故事裡面嘅豬仔唔好踢爆黃咖喱係邊個，以免尷尬🙏🏻）