#NSS個人
[GUEST ] 以前我幾中意運動，一上體育堂就會好開心，有段時間仲會落街跑步。但係半年前開始運動習慣就開始好憎運動。
我不嬲都過肥(肌肉不足+體脂超過30%)，大概半年前終於肯日日跟健身app做運動改變身形，同埋晚餐只食菜同肉唔食飯，大概保持咗兩三個月。喺呢段時間有時做運動會做到好唔開心，有時做做下會想去死。以前試過嚴重到一見到同運動相關嘅嘢都會喊(e.g. 喺gym嘅打卡相)。去到12月中之後因為太凍所以冇再做運動，直到1月中。
我以前玩開嘅難度係中級，但係1月做返嗰陣連初級嗰啲運動都做唔到。因為表現大不如前，我又好唔開心又想死。之後就冇再做過運動。
有冇辦法可以令我開心咁保持運動習慣？