#NSS家庭
[Guest] 我有一個讀書好叻嘅阿妹
求Admin Po IG thx🙇🏻♀️我今年f3但係呢件事係由兩年前開始
小妹係小學階段嘅時候成績一直維持喺全級頭30，直到兩年前我阿妹呈分試，原本全家人都知道阿妹嘅成績其實差過我少少，所以對佢特別呵護，我都算啦，直到兩年前我阿妹呈分嘅時候佢突然間考得好好做咗全級頭10，當然我都戥佢開心，原本屋企人都有少少偏心佢，自此之後全家嘅焦點就一直喺佢度，對佢嘅期望亦都好高，無論係點父母都覺得係我錯。阿妹生日嘅時候就大肆慶祝，而我嘅生日連想要父母一句生日快樂都冇，莫講話生日蛋糕啦。
大概兩個禮拜前我考完試想同朋友一齊去玩但係阿媽唔俾。原因就係因為阿妹約咗朋友，其實佢明明識路但係阿媽驚佢有事所以我要負責帶佢去，我心諗其實我哋屋企有傭人，點解你唔叫佢陪阿妹去？
咁嗰晚我就同阿媽鬧交，佢仲要講咗一句：你都叻唔過你阿妹啦，你最多都係做佢身邊嘅一隻狗咋，你慳啲啦！跟住打到我隻手瘀晒。
之後我就返咗房爆喊開始覺得其實無論自己做咩都係錯，覺得自己存在根本唔值得，第二日放學返屋企嘅時候喺馬路見到架車，當下真係好想衝出去死。
我父母連我對海鮮敏感呢樣嘢都唔知。唯一對我好嘅人就係我婆婆，但係佢呢排好多病痛成日入醫院，我好驚最錫我嘅人會離我而去，到時我唔知我係呢個世界上仲有乜嘢意義。
好多謝你睇到呢度，我純粹抒發一下Sor for 1999🙇🏻♀️