#NSS愛情
[guest] 想知道大家對愛情同友情嘅價值觀係點？覺得邊個重要啲？
講下背景，男朋友係我初戀，係一個我鍾意左四年嘅男仔，由f1就識佢，而家一齊左一年左右。我地冇common frd，雙方嘅朋友都唔鍾意對方，而我自認係重色輕友嘅人，因為對我嚟講我覺得我嘅愛情比友情更唔容易得到，自然心入面我係prefer愛情多啲，但其他frd就唔係咁諗。
我本來身邊都有好close嘅一班frd，其中玩得特別埋嘅一個女仔就由我手機見到我private ac有po close frd story，係得幾個人follow個種private，close frd list淨係得我男朋友一個，係男朋友主動問我add佢嘅，一個人我冇所謂，本來close frd都係得啲日常生活嘅相。但知道啲story得我地兩個人睇到，自然我習慣左平時會po啲我地兩個人先明嘅話題或者特登po比男朋友睇嘅嘢。而發現左嘅嗰個女仔就話點解唔add佢，因為我同佢之間不嬲都冇咩保留 有咩都會同對方講，大家都應該冇嘢唔比得對方睇。當時我第一反應當然係唔想 點解要add，諗深一層我知我係冇嘢唔比得佢知，但始終佢又唔鍾意我男朋友，我地兩個之間嘅笑話同敏感嘢無謂比佢知，而且又冇咩一定要比佢睇嘅嘢…我好無奈，但確實我同個女仔之間嘅關係好close好啱傾，唔想因為咁就令我地之間有隔膜，我就add左。過左兩三日我想將我同男朋友嘅相po係close frd又費事佢見到反感，又唔係個個接受到敏感嘢，我暫時remove左佢但有打算過左個story24個鐘之後就add返，佢就發現左，我又唔知點算，即時問左男朋友之後就決定同佢講我唔知咩事..之前係男朋友手機login過我ac，而家已經叫佢logout左，佢聽到之後就話真係唔理解點解情侶之間要交換ac，佢覺得我冇尊重佢，覺得好恐怖以後都唔會用dm搵我（我地冇透過任何message傾過心事 一定係當面/打電話先會傾，之後就block左我ig，我地係wts grp都有如常傾計，但佢有再同其他朋友講小心啲我ac會比我男友睇，建議佢地都block埋我ig，其實我有表明而家男朋友唔會再睇而其他frd都對件事冇乜回應，但我始終內疚令佢覺得被冒犯同驚冇辦法澄清..明明我就有認真拒絕唔想比佢睇close frd，而我del佢都唔係因為唔鍾意佢，純粹有啲嘢唔適合比佢睇，我對個個frd都係咁講 close frd冇咩特別嘢都係share下其他post/po下相咁咋，冇一個frd會企硬想我add close frd，我淨係想po比男朋友睇唔係錯掛，如果close frd個個都add咁我要set close frd嚟做咩？但我真係唔想無啦啦得罪一個frd。我係想解決件事，我係想修補返同嗰個frd嘅關係，但我真係唔識應對..
.
最後忠告：close frd story害人不淺