#NSS家庭
[[GUEST]] 是咁的小妹今年F.2，由細到大我阿嫲都重男輕女，咁佢有15個孫，但係入面只係得兩個孫係男，跟佢老公姓，咁我阿哥係長子。
由細到大我阿嫲都好照顧佢，佢想要乜就有乜，相反我阿嫲對我態度極差，脾氣對我又唔係太好，成日都將我同其他親戚比較，又話嗰個孫成績超好，乜乜品學兼優咁，我知我成績唔太好，但係佢都唔使咁樣，當住啲親戚落我面㗎嘛。
成日都hurt我自尊心，我成績進步咗，都話我垃圾，咁樣搞到我讀書嘅動力都冇埋。但係如果我阿哥進步咗，佢就會高調咁讚佢。我想講點解呢個世界有啲咁極端嘅人。
前一排我同我堂細佬有小小嘅爭執，本來都就快冇事同和好，但係阿嫲無端端就介入呢件事，明明係我堂細佬闖出嚟嘅禍，跟住佢要強迫我同堂細佬道歉，咁我當然死都唔肯say sorry啦，跟住佢就無端端whatapp voice msg道德綁架我，話乜如果我唔同我堂細佬道歉，你就唔好認佢做阿嫲嗰啲frd，聽到呢一句咁我咪當面鬧爆佢囉，我認真爆無語，小朋友嗌交關老人家乜事？我阿爸阿媽都冇參與入呢個事件，咁又關佢乜事？
本來已經對佢冇乜好感，而家直情係反感，想問大家我係咪太絕？同埋如果阿嫲下次道德綁架我應該點做好？
Thx admin
Sor for1999