#NSS學校
[Guest] 有啲關於友情方面嘅嘢想問下大家。
小妹女校，係班入面就有幾個朋友，最熟嘅就係A，咁分座位嘅時候，我就坐咗係A嘅左邊，而佢右邊係B。
我同B本身因為同一間補習社識，之間網課嘅時候，功課嗰啲佢都會問吓我。本身A同B係唔熟嘅，但係返返學校上堂嗰陣，佢地兩個就愈嚟愈熟，有次分兩個兩個一組嗰陣，我諗住揾A，但係佢去咗揾B。
雖然最尾我都係同咗A一組，而B同咗另一個朋友一組，但係我個心翳住翳住，覺得自己好似俾人冷落咗咁。
除咗AB之外，我仲有CDE三個朋友，雖然冇A咁熟，但係都係close friend 入面。
C同D因為坐隔離，所以佢兩個比較熟。（同埋D會癡住C）
E就鐘意分組做project 嘅時候揾啲成績好啲嘅做隊友（但係我成績麻麻）
因為上面種種原因，搞到我覺得自己好似好孤獨咁，A又有B，C又有D，E又唔會揾我一組。
我真係好唔鐘意呢種感覺，佢地個個都有best friend，我就頭頭唔到岸。
自問對朋友嘅態度同本身性格都唔錯，雖然自己一個開心啲，但係我覺得假期嗰陣先係咁，返學有朋友點都開心啲。
我依家完全唔知點做好，同埋比較內向，唔敢識新朋友，睇到呢篇文嘅大家可唔可以俾啲意見我？或者覺得我有錯嘅都可以屌醒我。
Thx!!
Sorry for 1999