#NSS個人
[UNKNOWN ] #ADMINPOSTIGPLEASE
# Hashtag
［長文慎入］
佢係我高中既選修科老師，我已經畢左業兩年，佢冇另一半，而我都係單身。喺我仲讀緊書既時候，由於我地開左個我地科既WhatsApp gp，所以我地有對方既電話，老師亦都喺群組入面講過只要有唔明隨時可以whatsapp佢甚至打比佢。
有一晚，因為仲有一個月左右就考試，而我自知開始跟唔上，我晚晚都溫到好夜，有一次我膽粗粗咁whatsapp左佢，隔左一陣佢竟然打視頻過黎，好似上Zoom咁教我，喺呢一刻我覺得呢個老師真係好好。第二日番學，臨落堂既時候佢叫我放學去教員室搵佢，放學既時候佢同我講我隨堂小測既成績有明顯既退步。喺果日之後佢隔日放學就會同我去留堂室到幫我溫習，番到屋企都會喺whatsapp到傾下閒計，就係咁我地變到好似朋友咁樣。
可能因為我地成日都喺留堂室到溫習，有時仲會細聲講大聲笑，所以開始喺學校比人傳緋聞，我班主任都有叫我地避諱啲。
之後到學校放長假，見唔到佢我反而覺得有啲空虛，我就Whatsapp 佢約佢食晚飯，估唔到佢真係肯出黎，一次兩次三次之後，我開始約佢去睇戲或者行街，我真係好開心。
我地一直keep住咁既關係去既畢業。
我記得我last day既時候我同佢影左一張合照，到宜家張合照仲做緊我手機既wallpaper。
畢左業之後我地仍然都有約對方出黎，我記得有一次我地行緊尖沙咀donki既時候，
因為太多人太逼，我爭啲唔小心比人撞低左，佢扶住我叫佢小心啲，
之後將我隻手放左喺佢手臂上面同我講「捉實我唔好再比人撞親啦 傻瓜」我個心跳得好快，就係咁我翹住佢隻手繼續行，就算行完我地都冇縮手既打算。
就係果次之後我地每次出街都好自然咁翹住大家隻手，好似情侶一樣，但係我地冇攬冇錫冇拖手，不過我已經好開心。
我地開始晚晚臨訓都有傾電話，我媽都有問我係咪拍拖，因為我地屋企都唔係一個封建既屋企，我好直接咁同左我媽講宜家仲係曖昧中佢係中學既老師，
點知我媽好反對，佢同我講師生戀已經觸及到道德上既問題，佢話老師學生係唔可以喺埋一齊。
但係我自己覺得佢又唔係有家室，我自己又係單身，點解唔可以試下？
大家覺得我可以點好？我應該同佢斷絕來往定係應該繼續同佢發展？
我希望自己是黑暗中的蠟燭。
圖Link: https://images.app.goo.gl/zX6s9TQ7dKFX1Bkf6