#NSS家庭
[GUEST] 我真係唔明點解D父母可以偏心成咁？
小妹今年F2, 有一個細妹細我兩年
由小到大，所以野都係阿妹啱
一有爭執，阿爸阿媽就唔聽我解釋，一口話定係我既問題，乜都係罵在我先，每一次佢地都要我同阿妹講sorry，咁可能有時係我錯，我同佢道歉，但有時我真係唔明，我做錯D咩，點解係我say sorry而唔係我阿妹，真係唔知….
有時我用一陣手機，我阿媽就同我講: 你用完電話未？你再用就收你手機
我有時同佢講要做功課要用手機，佢又話: 做咁耐都未做完啊？咁你啱啱做緊咩？玩？
而當時我阿妹就係隔離打緊機，佢又唔會話阿妹架喎
同埋乜D功課一定係15分鐘內一定做得完既咩？我唔可以有私人時間去用手機？
你自己一日用幾耐？每日見你你都用緊，當你唔用手機就黎話我？
我有同過阿爸阿媽說你們兩個可不可以不要那麼偏心，但佢地每次都是轉移話題，咁樣係咪間接承認佢地都知自己偏心？
每次有禮物，食乜野，都係我阿妹選擇先，完全冇諗過我的感受，靜係識講: 「你大過阿妹，就讓下佢啦」
做大既一定要讓細？我唔可以有我既選擇？我真係唔明
可能我當我有野想要，阿媽會買俾我，但係咁樣就可以偏心？可能你地會話 你有你想要既野，都唔知足？但係物質≠精神啊，我寧願佢多D抽時間陪我，都唔使佢買野俾我
我諗左成晚，因為阿爸阿媽成日都唔理我，漸漸，我有好多野都唔同佢地講，可能呢D野係我自己攞黎….
sorry for 1999
Thanks for watching