#NSS愛情
[GUEST] 大約係上年嘅時候有個男仔同我表白，我都對佢有feel，但係我當時拒絕咗。
我一直都有個問題，就係當我鍾意一個人嘅時候，發現嗰個人都鍾意我，我對佢嘅好感就會冇晒，上網查完先知有樣嘢叫性單戀，雖然冇俾啲專業人士承認過，但我覺得我啲行為好似性單戀。簡單咁講吓，性單戀即係對某人產生好感，但唔希望從對方獲得情感回應嘅人。
就喺上年，有個男仔同我表白，其實我對佢有feel，有幻想過之後一齊嘅畫面，但係嗰一刻有種感覺就係好唔想同佢一齊，唔想同佢接觸，之後就拒絕咗。我冇同佢講我係性單戀。
呢排都有好多人移民，佢都有表態過會移民，我突然覺得有啲傷心，好似自己其實仲鍾意佢，雖然知道再講都冇用，但係我想問吓大家應唔應該喺佢移民之前同佢講返清楚？
Sorry for 1999🙏🏻