#NSS家庭
[Guest] 阻你少少時間，如果認得出我嘅話唔該唔好同我相認thx。
是咁的，小妹由細到大都同屋企人A一家一齊住，父母因為要返工唔得閒，大部分時間都同A一齊。
我小學嘅時候A都對我好好，所有物質上嘅野我都冇缺乏過，佢地當我係佢親生女咁養。
然後到依家中學啦，佢對我嘅態度簡直係180度轉變，只要我一做錯少少野就會鬧我，反曬白眼咁。
因為我只要思考嘅時候就會冇表情，佢就話我黑面，我話冇，佢就話我講大話，跟住就會唔比我用電話。我部電話一向都係佢keep，每日只可以用20分鐘，屋企所有iPad MacBook都改晒密碼，防止佢哋出街既時候我會偷用。呢啲都唔係重點，佢一發脾氣嘅時候就乜都賴落我度，睥實我鬧我係垃圾，喺我隔離咆哮，超恐怖。每次同我講野語氣都當正我係佢工人咁。之前試過鬧鬧下我倒暖水壺啲水落我個頭到，我一喊就話我扮可憐。其實我已經盡量忍住唔喊，但係只要一有人大聲鬧我就忍唔住。仲有好多好多件事，我就唔講啦。
同佢一齊住真係好大壓力，我基本上每晚都會發惡夢。
佢簡直就係雙面人一個，喺出面對住啲朋友就扮到對我好nice咁，返到屋企就即刻變樣。
佢以前鬧我嘅時候會扯我頭髮，抓到我隻手瘀晒，跟住又扮冇事發生。
武肺搞到日日online school 都要喺屋企對住佢，我真係真係返學見下啲frd，唔想日日對住條八婆。
Anyways 我都好感激佢比左好多物質上嘅野我嘅。心理上嘅壓力就。。。
有時我會同自己講，大把人慘過我啦，同朋友傾訴好似好麻煩人地咁
Sorry for 1999