#NSS家庭
[GUEST] 係咁嘅，小妹今年16，想知未成年可唔可以自己出去住/同frd合租。
咁我依家就係同我阿媽，兩個家姐同細佬一齊住嘅（阿爸唔喺香港），咁我不嬲都經常性同frd一邊call一邊打機嘅，而我係同我其中一個家姐瞓同一間房，如果我喺間房入面call，我家姐就會嫌我嘈，自問自己平時call都不算大聲，都會特登細聲啲，驚嘈到佢，但係佢都仍然覺得我好嘈，叫我出去，同埋佢會經常性製造聲響e.g.勁大力閂門/攞張枱撞牆（張枱係嗰種可以放喺床上折疊嘅枱）。
咁我之前都有出去call嘅，但係我一出到去，我阿媽就會嫌我嘈，話我再嘈就搬出去住啦。咁我屋企其實都算細嘅，全屋唔計我老豆嘅話有6個人，但係屋企淨係得3間房，導致我細佬依家9歲仲同緊我阿媽一齊瞓，而我喺屋企係連一張書枱都冇。
咁我老豆又唔知點解喺我好細個開始已經好唔鍾意我，沒次返嚟香港都會成日串9我，話我由細到大都洗左佢好多錢，叫我出去自己住，比間房比我細佬，叫我自生自滅，話會唔理我。
所以就好想自己搬出去住（阿媽話會比錢比我），希望有人可以幫到我。
Sor for1999