#NSS家庭
[guest] 小妹今年f1，冇耐前原因屋企某d原因去左爺爺嫲嫲屋企住，短期內都未可以返到自己屋企住。講吓背景先，小妹媽咪本身唔係香港人，係十幾年前嫁俾我老竇之前已經攞咗香港身份證。
是咁的，我嫲嫲係有少少種族歧視，一直都唔太鍾意我媽咪，所以係呢排嫲嫲都經常性係背後針對我媽咪。（利申媽咪一路都好尊重佢，喺佢面前都會做好一個好家嫂嘅身份）例如有時趁我媽咪返工係我同細佬面前講佢壞話，又會周圍同啲親戚講埋怨有個咁嘅家嫂，甚至連收衫洗衫都唔預埋我媽咪個份。但係我覺得最過分嘅都唔係呢啲，而係有d事本身喺道德上係啱嘅，我嫲嫲都會講到媽咪乜都錯晒咁。
其實我有諗過要唔要同嫲嫲講返，可唔可以唔好再成日咁樣針對我媽咪，真係好唔鍾意，每日都聽到佢喺度埋怨，個心真係好唔舒服。但係畢竟佢係長輩，所以一路唔太敢開口。
呢件事冇同媽咪提起過，唔想佢聽到唔開心又要多樣嘢煩。想問問各位有冇咩方法可以處理到呢件事，每日都聽到嫲嫲埋怨媽咪嘅聲，真係開始對佢有少少反感。