#NSS學校
[同葵涌村最出名嗰一間中學有聯繫嘅小學] 小弟係以上小學嘅畢業生，其實本來我都打算啞忍，但係見到咁多人勇敢咁講返小學嘅不良遭遇，情況同埋日本侵華三年零八個月係大同小異，我覺得我都要企出嚟反抗！
講返啲背景先，我當時幼稚園因為面試次次失敗所以入唔到好嘅小學，但係政府就幫我搵咗呢一間全港最好之一嘅小學。本嚟入到去聽到呢一間小學咁好都應該好開心，但係竟然令我承受咗六年嘅惡夢…
可能係長文嚟，嘅大家可唔可以用心睇埋佢🙏🙏 我將喺小學入面六年內過嘅不良遭遇分成六段寫出嚟，因為真係唔係兩三段講得曬😅
小學一年班，我都承認自己係曳嘅，但係當時啲班長就太過離譜，學校基於有責名制，所以同學犯一次規就會責一次名。咁樣我就因為曳喇，所以班長都針對我嘅，我好記得因為當時我就跌咗一舊擦膠， 所以我就同班長咁可唔可以出去執擦膠， 但係班長就話要等老師嚟先至可以畀我執… wtf！？ 執舊擦膠都要等老師嚟係咪on9？ 所以我就冇理佢哋自己走出去執😅 之後佢哋見到咁樣就搵兩個人圍住我理論， 我當時激動少少就好大聲咁樣鬧佢哋啦，結果佢哋就喺責名紙嗰一度瘋狂責名！ 而且責多過三個仲會有大罰！但係嗰時起碼已經過咗13個😱 我就即刻上前理論， 但係兩個女嘅就繼續責，兩個男嘅就擋住我， 依家諗返起真係同日本侵華時期日本官兵鍾意亂咁搶人錢就搶人錢丶亂咁搞人老婆就搞人老婆嘅行為相似… 結果老師雖然係又話班長， 但係最大問題竟然就係話我想喐手打女仔， 仲要唔聽班長講嘢走咗去執擦膠！？ ok呢一次已經係最「公道亅嘅一次😱 有一次我就喺班房度同friend玩， 然後班長就行過嚟叫我唔好玩啦，基於之前屋企人都話班長講嘢一定要聽我就信咗之後聽咗， 但係之後我個朋友就愈玩愈激烈，行過嚟我諗住會制止， 但係估唔到佢竟然直接喺後面拉我張凳！？ 我問佢搞乜佢仲不斷喺度拉， 我呢一個暴脾氣就梗係忍唔住推開佢( 大佬我唔推開你你就拉我張櫈拉到我仆*喎😅) 其他班長聞風而來， 係咁捉住我同埋打， 就同194幾年嘅時候啲日本官兵見到人哋唔服從就亂打冇分別, 我個friend都不斷攞嘢飛我！？ 我忍唔住我就絕地反攻啦， 好死唔死佢哋竟然畀我打贏曬， 之後就仆*啦🥶 老師話係我一個打五個， 如果真係五個打我一個嘅話點可能會畀我打到嗰個喊咁濟 ？同時班長都有錯， 因為唔應該拉我張凳( 圍毆就講都冇講！) 所以我就要罰三四個小息， 班長就要喺我罰緊嘅第三個小息嘅時候靜靜地睇書， 我就要做功課反思同埋罰企！公平咩😂
小學二年級嘅班主任就係當時數一數二最惡嘅老師， 我都諗住僕得街啦， 點知佢不但冇玩嘢仲係我比較認同嘅一個老師， 但係濫權風氣依然存在！ 嗰個老師就好憎啲同學暴力，唔係，應該係「暴力亅！ 大家都應該小學嘅時候聽講過攞隻手七字型當係槍咁樣玩啦😂 我就係揸住咁樣然後對著空氣不斷喺度開槍， 連續幾次都係咁樣老師竟然就大發雷霆*我， 然後話我係咪暴力傾向應該要去睇精神科… 我就真係想問你直接過嚟捉住我隻手暴力啲定係我揸住把空氣槍喺度玩下暴力啲🙄
小學三年級就開始真正極端！ 已經唔單只係濫權，什至已經係on9😰 我都係由小都大啦， 即係當時我就因為犯錯所以小息畀人罰大圈， 然後個班主任就過嚟同我講咗一句你哋死都唔會估到嘅嘢😂( 你知唔知道xxx同學鍾意你㗎😊) 之後我就一臉茫然咁呆咗😶 係呀就係咁荒謬， 你哋睇完係咪都係呆咗？ 唔緊要我畀三秒時間你哋好好重整心情先至繼續睇sls… okay 繼續， 我當時都對昆蟲好有興趣同埋成日捉昆蟲， 但係都唔知啲人係唔係低能， 係咁走去告我😱 我承認捉昆蟲的而且確係唔啱，但係都唔使咁樣舉報啦！我又唔係專登攞去嚇人，我只不過係覺得有興趣所以先至捉返屋企玩啫，因為學校多昆蟲㗎嘛！ 結果你哋都估唔到老師有幾on9😰 佢哋就以捉昆蟲等於偷學校財產可以報警同埋保證以後一定要我見到昆蟲就會好驚嘅理由嚟恐嚇我！ 但係當時我已經開始忍無可忍， 老師逼我放曬啲昆蟲然後再去教員室報到嘅時候，我就將啲昆蟲偷偷地放喺課室度， 成日亂咁舉報以為好開心嘅人我就偷偷地整爛佢份功課🤩 我知道咁樣係唔啱，但係既然老師都畀唔到公義我嘅時候就唯有咁樣做啦！ 但係呢一個先至係真正開端， 接下落嚟嘅幾年先至係痴線！
小學四年級，學校開始推出一種嘢叫做仁 x卡丶仁 x幣， 學校話呢一啲就係你哋學生之間通用嘅財產，係學校內可以供你哋使用嘅財產， 就我而言就形同日本侵華時期嘅軍票！ 你嗰啲小學雞嘢畀返啲小學雞玩啦， 我就真心冇興趣， 每當老師要畀我嘅時候我都係唔要， 老師話呢啲係佢嘅誠意，咁樣我就話誠意我心領，但係呢一啲嘢唔啱我玩所以我就唔要喇😂 然後佢哋竟然話我唔畀面，夾硬逼我收！我就不甘受辱直接撕爛！ 你逼人收一啲唔想要嘅嘢就係唔尊重！咁樣你嘅誠意我都唔需要尊重喇！ 然後老師就開始發癲上嚟我撕一張我就要作一篇文！我當時就諗住唔好以為壓迫我，我就接受！所以我就連續作咗兩三篇，一日之內， 最終搞到差啲叫家長嚟先至敗陣。之後啲同學就開始左傳右傳話我有問題， 有乜可能咁吸引嘅嘢會唔要點解唔畀佢哋？ 老師之後都話其實可以畀人， 之後我就開始畀我friend啦， 但係輪到每學期清點一次嘅時候，我個friend就因為我畀埋我嗰一啲卡佢就成為咗全班第一多， 同學都係咁喺度話唔公平， 但係呢一啲咪就係你哋最愛嗰啲老師批准囉😂 結果老師就話我根本上就唔知道乜嘢叫做公平所以話係我錯！ 但係就似乎唔記得當初係邊個話可以先🤔 之後就輪到粗口， 由於當時我識咗個朋友，佢啲親戚就係客家人， 咁樣我都學咗少少客家粗口， 既然啲同學覺得我有問題， 標籤我 ， 當中好多雜事我就費事浪費哩度空間啦，我就用返佢哋聽唔明嘅語言話佢哋🤩 嗰一句嘢就係問候人哋娘親嘅， 結果佢哋聽唔明就去同老師講我講粗口， 老師問佢哋我講乜嘢粗口嘅時候佢哋聽咗就141， 就同老師講話我用141去羞辱佢哋！？ 我本來都諗住哎呀你班傻仔聽錯嘢就抵死啦今次我實甩難😂 結果老師照樣話141肯定係我自己嘅粗口， 仲要講一啲人哋聽唔明嘅嘢話人哋根本上就係精神有問題！？ 我返屋企就同屋企人講啦， 屋企人就話咁樣我咪平時同啲同學仔friend都唔好得罪佢哋囉😱 之後我喺班房度講啲乜嘢啲同學聽唔明， 就算係哩語都會畀人話係粗口， 然後我同班老師解釋話只不過係哩語嘅時候佢哋都唔信😓 結果我就忍無可忍， d低能仲繼續喺度屈我嘅時候我就直接畀佢哋知道乜嘢叫做粗口！ 連續用我畢生所學嘅粗口喺班房度鬧佢哋一大餐！ 反正爆唔爆粗都係會畀人鬧我點解唔真係爆一次？ 結果如我所料真係同咗家長講， 都畀人打咗一鑊， 但係我寧願咁樣都好過冇做錯事畀人哋冤枉🙄 但係佢哋不但沒有收斂， 反之更加激烈咁樣冤枉我， 之後我就開始同佢哋對抗， 當中識咗個朋友， 然後我就學咗可以寫啲粗口仔放喺班仆*書包入面！ 然後我做完嘅時候全班其實唔知係我放， 但係佢哋當中有一個人就話一定係我放！ 之後全班就死都話我放although冇證據😂 咁樣我都諗住算數啦你哋咁樣搞得我我都預咗死先至咁樣玩你哋， 我就幫我個friend頂埋， 起碼一個人死好過兩個人！ 結果幾大單嘢都估到啦差啲缺點🤣 同埋小學嘅時候都難免會有小學雞自己整刀槍嘅日子， 但係老師立例禁止！ 我同我個friend唔理佢哋繼續整啦， 結果竟然係老師話要上教員室教誨我哋！？ 上次我幫佢頂咗，今次佢好兄弟咁樣幫我頂罪😎 但係我點都估唔到竟然係因為整下玩具就會畀人搞到上教員室， 大家真心覺得會唔會小題大做😂 仲有之前就係因為有分組活動， 咁啱佢哋個組長就有帶漿糊筆啦， 咁樣我都打算是但啦都係合作啫唔好搞咁多嘢， 結果個組長因為知道其他組係朋友同埋冇帶漿糊筆就借咗畀佢哋， 而且自己冇得用， 就直接搶咗我支漿糊筆！ 我同老師講老師見佢勸唔聽竟然算數！？ 所以我就偷番自己支漿糊筆， 同埋我點諗都諗唔明點解自己冇得用就要搶人嘢！？and then 小學四年級放暑假嗰一日老師竟然仲話要帶我去搵訓導主任， 我真係忍唔到呀咁樣搞我， 於是我就同老師講有嘢漏咗喺班房為由， 上去直接推冧我最憎嗰一個張櫈， 然後喺度大叫 ， 嗰一刻真係痴咗線 😠 然後再諗無端端捉咩我去搵訓導主任啫？ 啲嘢全部係你屈/化大咋嘛！ 我就一不做二不休直接偷走， 結果佢哋竟然好低能咁樣冇咗成件事， 從中我都得知佢哋根本唔係話真心要教誨， 只係冇嘢搵嘢嚟搞， 如果唔係點會我直接走人都冇咗件事😂
小學五年級， 可以話係最荒謬嘅一年！ 我哋班有一個好流行嘅術語，叫「於亅！ 無論咩時候都會講呢一個字， 但係班主任竟然痴線喺上嚟話呢一個字唔可以再講！ 原因係佢唔鍾意！？ 真心同日本侵華禁言然係冇乜分別🙄 呢一個字又唔係粗口， 更加冇冒犯意味， 何以成為禁語？ 呢一個都只係小五嘅小事， 冇錯呀就係咁荒謬嘅事都只不過係小事😂 可以畀三秒鐘時間你哋諗下之後會有幾荒謬！321 okay繼續！ 我喺小學五年級嘅時候一樣同一班朋友喺度自己整槍啦， 老師都係話唔畀㗎啦， 所以我哋咪唔喺佢面前玩，淨係私底下囉🤫 我冇講過話呢一個行為係啱嘅， 但係我冇承認過老師接下落嚟嘅做法係正確！ 老師一入到嚟我哋因為收唔切啲槍械所以就直接衝入嚟捉咗三個人， 然後就好大聲咁樣講話記大過！ 然後鬧咗好耐， 我都係一份子就好彩冇事， 但係使唔使直接話要記大過？？ 你可以沒收可以通知家長頂多就係唔聽老師講嘢而小過， 一入到嚟直接話要記大過真係唔知以為睇緊tvb啲搞笑劇🤣 當然天網恢恢疏而不漏啦， 我因為「帶橡筋返學校但係解釋唔到點解亅 所以就畀佢成包搶咗， 但係橡筋並唔係違禁品， 佢亦都冇立例禁止！ 只係好荒謬同埋唔講道理咁樣搶走！ 既然畀唔到公平公正公義我咁樣我就唯有用自己方法， 我就成功偷番包橡筋， 同時真正意識到呢一啲人唔可以服從，只有反抗！
相信大家都應該有聽過乜嘢叫做吔屎啦梁非凡, 係咪？ 我哋知道學校始終唔可以喺度講吔屎， 所以我就同我個朋友憎邊個就話邊個係乜嘢非凡， 例如姓陳嘅就陳非凡， 姓黃嘅就叫黃非凡🤣 但係班同學就因為聽唔明我哋講乜嘢唯有同老師講我哋講粗口！ 然後老師就好強權咁樣講咗一句嘢：「 依家開始我話非凡係粗口非凡就係粗口！龍貓係粗口龍貓就係粗口！ 人哋覺得乜嘢係粗口乜嘢就會成為粗口！」丶「 你哋知道喇我係新嚟㗎嘛，唔鍾意嘅話可以去舉報我呀！點吖講啦反唔反對我？」 我哋就兩個小學生梗係唔夠膽直接頂撞啦😰 結果你哋都明咩事， 又畀強權壓迫成功！ 同時老師就立例禁止咗帶較剪， 但係有時真係需要用較剪㗎嘛， 所以我有時知道要用就帶。 視藝堂嗰陣時因為有人要用較剪我就借畀佢， 然後老師見到表面上就讚我幫人， 見到我其實有第二把嘅時候話放學去搵佢( 其實我就係費事佢收第一把我就冇第二把用所以先至帶第二把) 放學我其實已經走到去學校門口， 但係始終我都係有犯規我就返去啦， 我良心發現但係換來嘅竟然就係連續收咗我兩把鉸剪， 然後老師就話我係有心串佢先至會專登帶鉸剪係唔係？ 都係嗰句我冇講過話自己啱， 但係我冇認同過佢哋嘅言論… 學校請咗社工嚟「幫亅我， 其實講就講話幫，但係其實邊有可能搵三個社工搞我一個？ 我唔係因為唔鍾意佢哋就話佢哋搞我， 如果你哋聽埋落去就會知道有幾荒謬！ 第一個社工就好乞人憎咁樣嘅， 上面都講過話我哋學校有啲仁x卡， 第一個社工佢就係負責呢一啲卡嘅人， 佢檯面上面會有好多疊， 但係見到我騷都唔騷嘅話竟然就問我幾點解見到啲咁吸引嘅嘢唔會想要？ 正常唔係應該瘋狂求佢畀一啲咩？ 真係好特別一定要幫下我！？ 大佬呀早熟係唔係唔得先😂 然後係咁叫我一個有十歲嘅小朋友玩玩具， 大佬呀我唔想玩咪唔玩囉做乜一定要逼人哋玩？？ 然後又覺得十歲嘅小朋友做乜唔玩玩具，係唔係痴線😂 第二個社工就比較少事， 但係行為最極端！ 我就真係費事佢哋再煩我， 我就選擇逃走啦！我小息想休息下結果就畀佢哋急速召回， 之後仲會攞一大堆奇怪道理話我有問題， 唔走嗰個都唔係路！ 結果佢竟然直接搶走我個筆袋， 佢話唔同佢傾計就唔會畀返我！ 第三個社工就on9, 我嗰一日就好似係默書定係小測, 咁啱佢就撞正嗰一段時間搵我！ 大佬呀我嗰時測驗緊架， 你咁樣我咪偷走返去做埋份嘢先囉， 有乜解究要喺人哋測驗或者默書嘅時候搵人？ 之後佢就話乜依家啲小學生唔係都係玩為主咩？ 點解會去咗緊張測驗默書？ 你有問題！ 當時啲同學要捉棋係都要霸住我張枱去玩， 然後我同佢哋解釋張枱係我嘅，點解唔去其他人度玩？ 佢哋仲想推開我我就索性整冧佢哋D棋， 仲有個作勢要打人添 ！？ 我就當然兇返返去啦， 唔通聲大夾惡就大曬 ？ 之後社工就話我竟然唔借張枱畀人所以我係有問題 😓全部都係圍繞著我有問題我有問題我有問題之後就夾硬要我去睇精神醫生， 但係連續驗咗幾次都係冇問題， 仲要搞到屋企人浪費錢，都堅持話我有問題🤣
小學六年級， 班主任大癲， 因為將會有呈分試所以唔畀人哋再講打機， 同埋學生唔乖嘅話就要全體出去罰企或者跑步， 反正我都就嚟讀完小學我就索性當面同佢對質， 點解學生做錯事但係就要團體出去操場曝曬或者體罰？ 信唔信我告你？ 佢身有屎就要我哋返返課室。 同埋當時我哋班有個同學就寫wednesday串錯， 佢竟然直接喺班房度大鬧點解會串錯字？ 見到佢咁猖狂我都忍唔住， 都打算為咗個friend出番啖氣， 直接企起身掛你一個數學老師憑乜喺度話人 唔識英文？ 我本來都打算死緊， 估唔到另外一個friend直接拍枱同我一齊話個老師小事化大！ 然後個老師都因為知道自己做錯所以驚， 叫我哋坐返低然後冇咗件事， 當時我都已經意識到強權就係要反抗， 畀佢哋繼續肆無忌憚嘅話就只會愈發激烈！ 個老師更加係好變態咁樣講話要將我哋全班訓練到見到人哋撩交打就會打到人哋仆*， 真心覺得一間小學入面會有咁多奇怪老師係正常嘅？
相信睇到呢度好多人會話點解唔同校長講或者通報教育局， 我只係想講個校長我一直都好信任， 見到我畀老師話仲會同我傾下偈， 但係勢估唔到佢竟然喺背後話我有問題，密謀踢我出校！？ 既然係咁嘅話校長呢條路都冇咗喇😓 增加令我對教育局失去信心， 件事就咁不了了之。 當中我有試過幾次喺網上公開， 但係都畀校方壓制， 有一次最荒謬嘅就係竟然 同一班畢業生講我係精神有問題，令我畀人圍攻， 另一方面竟然喺學校召開會議， 討論應否告我誹謗？ 更加說只要我收聲嘅話就可以唔告！ 既然我點樣嘅動作佢哋都有力量去否認同埋壓制， 我都打算到死嗰一日呢一口怨氣都要忍住… 但係見到陸陸續續有一啲人都夠膽企出嚟公開自己小學嘅罪行， 我決定唔再忍讓！
大家！ 我真係好驚再畀人哋告我誹謗， 與此同時我都唔想再低頭， 可唔可以同我講一聲加油同埋同我集氣， 同埋抵制校園暴政， 還我清廉校園？
sor 1999
謝謝大家睇咗我篇嘢咁耐🙏🙏
當141都成為粗口, 一個「於亅字都可以成為禁語嘅時候， 我就已經忍唔到😠