#NSS學業
[GUEST] 小妹今年f2 數學嘅成績麻麻地所以就俾阿媽逼咗去間補習社到
我阿媽話呢間補習社有好多同學嘅家長都有介紹 話個老師教得好 而且係針對我間學校嘅嘢教 於是佢就幫我報咗名
我自己一開始都覺得ok嘅 係真係明多咗 但係上年開始 就乜都唔明咁 問又問過 功課又做齊 但都係唔明個補習老師講咩
（個補習老師教嘅同學校教嘅有時會唔同 一次過學兩個topic有啲困難）
加上學費唔平 連我啲frd都覺得既然依家補呢間冇用 不如用啲錢去搵過另一間補 無謂浪費時間同錢
之後我上年10月到就同我阿媽講講不如補另一間 但係佢好堅定咁話「呢間個老師我同佢傾過計 佢教得好好㗎 好有心教啲學生㗎 你考完試睇吓點先算喇」就咁 我一直繼續補落去
但係考完試個成績始終唔理想 我又勸我阿媽幫我換補習社 但係佢唔知搞咩咁唔同意我轉補習社 我依家真係好煩惱
唔想浪費錢同時間係啲對自己冇幫助嘅嘢上 但係唔知點講（阿爸係同意我轉補習社 個補習老師都有同我講話佢教嘅方式唔一定適合每個學生 所以如果覺得冇用都勸我轉 唯獨是我阿媽..）
想大家俾吓意見 應該點算好
sorry for 1999