#NSS學校
[GUEST] Admin可唔可以post喺nss heart，唔好擺喺main度，thanks🙇🏻♀️🙇🏻♀️🙇🏻♀️。我懷疑自己俾人排擠/欺凌緊。最可惜嘅係，嗰班人上年同我好friend。我嘅經歷如下：
1. 有一日星期三要上課外活動，我搵唔到枱食飯。咁啱ABCD有張枱，角落又有空位，我就問可唔可以一齊，跟住A同我講話坐角落頭第時會嫁唔出，跟住就唔俾我同佢哋坐。
2. 今年普通話考試之前嗰一日，B話佢普通話只求合格，跟住下一句對我講：「對你來講係咪只係攞到分數就得。」
3. Geography，我知道我上年Geography 真係好差，但係B就同我講：「乜Geography 真係咁難咩，唔係背晒所有嘢就得㗎啦咩，我覺得所有可以背嘅科目都好簡單⋯⋯」
4. C話A, B, D有改我花名，呢個我就真係唔清楚，不過係C講嘅。
5. 之前我同ABE一齊做輔祭、讀經員嘅時候，間教堂有個輔祭房，其實工作人員換衫嘅時候要閂門我明，但係當佢哋已經換完衫嘅時候，B同E（D個妹）有陣時都係唔會俾我入，但係A就次次都出入自如。倒酒嗰陣時，A試過倒，而我唔得。
6. Project，History 老師一出post話要做History project嘅時候，我問過AB一唔一齊。佢哋話已經有組，但事實上，佢個post只係出咗1秒。
7. Girl Guides之前meeting有一個活動係要分組，然後再設法喺其他組度慫恿一個成員加入自己嗰組。咁A, 同學1, 同學2 同埋同學3就自己一組，而我就冇組所以被逼同班師姐一組。咁開始嗰陣時，同學3一嚟就過嚟同我講，問我覺唔覺得自己喺我哋班被left out，A當時係咁附和同學3，跟住仲同我講，話我如果過去佢哋嗰組，佢哋就嘗試接納我，俾我融入返喺班上面。跟住我唔肯去佢哋嗰度，佢哋直頭拉我隻手，想搶我。我嗰組啲人又唔想我走，於是又再拉我，兩邊人咁樣拉我隻手其實好痛。結果個活動因為太混亂所以比老師終止咗。
8. A之前話過我好容易俾人蝦，仲話如果我過咗外國嘅話好肯定會俾人欺凌。
9. A同埋B之前都話過我擦鞋，話我上年係因為擦班主任鞋所以佢先對我咁好。
10. 之前我哋班好興抄功課，其實有同學問過我俾啲功課佢哋抄，A同嗰啲同學講話：「學霸唔會俾㗎。」跟住我想同嗰啲同學解釋返嘅時候，A就同我講話：「乜你會借功課俾人抄嘅咩？」
11. A之前搶過我本身睇緊嘅書，然後叫我追住佢攞返，仲試過扯我Girl Guides套制服前面嗰條領巾
12. 有一次我喺學校做數嘅時候，我唔識。咁啱C同B返到嚟，我就問佢哋兩個。但係佢哋淨係Focus喺我八條題目入面錯咗三條，仲要話錯咗三題已經好多，跟住又係咁話我數學唔掂，但係我問佢哋嘅嗰條數佢哋都係冇答我，結果我都走咗去問我個friend。
13. 派中史考試嗰日我喺度喊，跟住C Send咗個故事俾我：從前有兩個學霸，一個考99分，一個考一百分。考99分嗰個同100分講：「其實我哋都唔係爭好多咋嘛。」跟住考100分嗰個講：「唔同，你考99分係因為你嘅實力剩係得咁多，我考100分係因為分卷剩係得100分。」