#NSS個人
[Guest] 求admin po IG,Please&Thank You!
本文只屬本人發洩篇
我今日想係哩度分享我嘅秘密,其實係我心裡面好耐。好辛苦。
其實我而家先發現哩個世界冇咩人可以信。
我九歲去到外國,之後我嘅生活就變成翻天覆地嘅生活。
原本以為個個朋友甚至老師都會對我真心,但係其實我錯咗。
喺我讀小學嗰陣時,因為係香港留過級,所以去到外國我自己通過考試,好難得可以同我同年紀嘅同學一齊讀書,但係唔知點解連啲老師甲份欺負我。
係我啱啱來到之後,老師就安排我哋去到ㄧ個班叫ESL(而家叫ELL)。
哩個班係專門為新移民唧人安排,所有新移民嘅人都要入,除非讀完+考完三個level嘅考試先可以去同本地嗰啲人一齊上課。
我呢,就自認唔係好聰明,好努力用半年時間從level 1去到level 2。
結果我到咗level 2之後,我都係好似以前咁好努力做功課同温書,啲老師就冇比我從level 2 升到level 3。
我成個小學生涯就一直係ESL嗰度,冇任何課外活動,冇任何其他課目。
哩啲唔算過份, 學校仲私下俾咗我一封信叫我唔好打開,後來我返咗屋企同我父母一齊打開先知道原來係留級信。我當時性格太過開朗,唔會多諗太多,更加唔識點反抗。
後來我最好嘅朋友,佢最後知道咗呢件事,佢就係小息嗰陣,同佢啲朋友喺度大叫,我當時根本就當佢哋係度玩冇話俾老師聽,因為就算話咗老師都唔會幫我。
到咗中學之後,我就唔敢在同其他人交朋友,除非有人揾我,我先會同人講野。
我知我講野一舊舊
中文冇咁好,希望大家見諒!
Sorry for 1999!