#NSS愛情
[Guest] 自從嗰次之後，我覺得自己無資格再拍拖…
［長文，多廢話慎入］
以下簡稱佢為N。我係一個AG歲，A1 女仔
我同N係朋友介紹，同N幾次見面後，我個friend話佢好快會同我表白，仲話佢係第一次拍拖，我認真淆底，但喺朋友說服，自己對佢都有小小好感，之後佢就真係同我表白，就一齊左。
但同N一齊期間，我覺得自己好似人個分裂咁，出嚟見面嘅時候好nice，溝通完全無問題sweet sweet 地咁，但分開返到屋企，對住N嘅Whatsapp ，任何message 都無興趣覆，明明啱啱走嘅時候仲好唔舍得，想同N一齊耐啲，返到屋企啲態度變哂。我亦都有朋友傾過，但都係唔知原因。覆佢message仲要諗點覆先唔會咁冷淡，但…我唔係鐘意佢咩？亦都有同N講過我自己有咁嘅諗法，睇下可以點做。
一段時間過左，呢個情況都係咁，我真係頂唔順我自己咁仆街，唔想自己再係咁hurt佢，我選擇左分手…由未拍拖喺度FF自己會對男朋友會幾好，到而家寧願自己一個，我…真係唔想咁…但究竟點解？
係N最後比我嘅錄音，佢問左句，：「如果唔鐘意我點解會同我一齊？」「我仲有好多野未同佢去試..」我一直一直都想搵你解開個誤會，我真係鐘意過，你同你一齊係我嘅幸運，可能你而家係憎我又好，已經忘記左我都好。我同你一齊真係好開心，你對我好好，係我仆街係我衰，令你第一次拍拖有啲咁嘅經歷。你中六，鐘意沖咖啡，有呢個興趣就朝住呢個方向去啦，畢業去外國讀課程又得，係香港搵下課程又得，總知咩都試左先！我…陪唔到你啦 對唔住啊（我都知對唔住無用，但我已經無資格講其他野）
多謝你肯包容我嘅任性❤️
多謝你哋睇到呢度❤️
就咁啦。thx admin❤️
圖Link: