#NSS愛情
[WBSS] 首先感謝板主幫我出po🙇🏼♀️
長文慎入🙇🏼♀️
我系一個05年嘅女仔，我男朋友係03年嘅
我同佢一齊咗半年但係佢突然同我講我哋唔適合，一開始我都冇諗過同佢拍拖。佢係我個friend嘅Ex，因為我個friend嗰日出pool就帶埋佢出嚟飲酒，嗰陣時我個friend淨係掛住同佢男朋友吹水冇理到我同埋佢個Ex。咁我就同佢喺度飲酒，之後佢就突然同我講話鍾意我，咁我嗰陣時又單身覺得佢好似都唔錯之後就應承咗。啱啱拍拖嘅時候佢都有同我講過佢今年f.6要考DSE比較忙，我都表示理解嘅👌🏻同佢一齊咗兩個月嘅時候都好開心，雖然都會鬧交(真心嗰句邊有情侶拍拖係冇鬧過交㗎)佢係一個直男完全唔識氹我，我一唔開心或者發脾氣佢就會話我又嬲啊、你嬲啲咩啊、唉 之類嘅……搞到有陣時我都覺得好心累😢但係我覺得好小事啫冇咩問題大不了我冷靜左再去搵佢，去到二月新年嘅時候我有日同佢call聽到佢阿媽話(今年你叫埋你女朋友過嚟拜年)我聽到呢樣野真係好開心，但係下秒佢同佢阿媽講話下次先啦佢唔得閒…果下真係好唔開心😖後尾佢同我講返話佢啲親戚好乞人憎所以先唔帶我過去，咁我就諗冇辦法啦算囉…直到尋晚我同佢嘈交佢話想分手同我講晒成件事先知道真正嘅原因。我同佢由八月拍到而家，佢就有12月開始諗會唔會分手好啲佢一直都覺得我哋之後一定會分手所以就冇諗過帶我去見佢啲屋企人同親戚…果下真係好失望，成個人比死更難受…
我唔知而家可以點算
一開始講一齊嗰個係佢到而家話想分手嗰個又係佢，我一開始都冇諗過會鍾意佢直到佢同我講話佢鍾意我，之後同佢相處左一段時間其實都幾舒服，我已經沉晒船唔知可以點，我因為屋企之前發生過一啲事係好容易會冇安全感但係喺佢身邊我唔會驚同埋好有安全感，我真係好愛佢我可以乜嘢都就晒佢，佢想要啲咩我都可以盡量買俾佢…你話iPhone用有線耳機好麻煩我就買個Airport俾你、你話你想換對球鞋我會儲錢都買俾你、你想要啲咩我都可以盡量比到你，我可以唔嘈唔鬧你想我聽聽話話都得我真係唔想分手，我未試過拍一次拖可以認真到咁😢我真係好俾心機去做你身邊嗰個人，我已經盡咗力你唔鍾意嘅嘢我可以改！可唔可以唔好離開我😢
純粹分享
sorry fol 1999