Admin pls po IG thz🙏🏽🙏🏽好重要🙏🏽🙏🏽🙏🏽🙏🏽🙏🏽
大家好，希望用大家少少寶貴嘅時間睇一睇以下呢篇文，俾啲意見小妹🙏🏽。小妹今年中二，遇到啲人際關係問題。
事源係要從中一講返起。小妹有一個男性朋友（下稱A），我同A中一開始已經同班，關係都幾好下。A都有同我講過我係佢數一數二嘅好朋友。雖然我同A中一期間都有嘈過幾次交，但係好返之後就冇嘢。我同A都玩得幾close。但係佢成日勁幼稚咁講嘢，班上面嘅人都覺得佢好幼稚。
我20年4月識咗個男仔，7月意見不合散咗。但係A知道我拍拖散咗之後，佢勁驚訝，跟住又話咩我咁樣衰都識到男朋友，又話咩我咁多暗瘡都拍到拖。我嗰下係好嬲，A同我say 咗 sorry，我原諒咗佢。
到中二嘅時候，咁啱我同A又係同班，咁本來都冇乜嘢。到有一日，我同我個frd同埋A撘車返屋企，A係咁講啲低級黃色笑話，我嗰下已經同唔到A撘嗲，不過我同我個frd落咗車就冇再提A。
有一日放小息，A係咁圍住我講嘢，成個小息都喺度圍住我講同一樣嘢。因為我當時覺得A好煩，同埋我同緊另外一個同學傾緊計，所以我hea應A (e.g.係，哦，知道….等等)。其實一般人都知我hea緊A，但係A都一直圍住我講嘢，咁我就冇理到A。
有一次班上面發生咗一件大事，A帶頭喺whatsapp grp鬧嗰個同學。我同A持相反意見。咁我哋都有講過大家嘅意見。呢件事係個觸發點。
由兩個月前開始，我覺得同A嘅價值觀好唔同。同埋我同A開始溝通唔到。我覺得同A講嘢好似30歲同3歲講嘢咁，好辛苦。仲有A成日喺個grp度妖人老母，不斷講粗口，所以我已經唔想同A講嘢，除非有特別事。A dm 我，我都like佢條msg算。
最近，A講咗啲令我好反感嘅嘢。我反駁A嗰陣用嘅詞語係有少少偏激咗，因為我嗰下真係好嬲A。A發現咗我唔妥佢，叫我交代清楚成件事。我就同A講話唔識同佢溝通，同佢講話不如大家都冷靜下先。A好嬲。A同我講話佢睇唔到我想維持呢段友誼，話佢又好珍惜呢段友誼。叫我如果想絕交就msg佢。我嗰下喊咗出嚟，覺得好大壓力。
我唔知我想點。而家先中二，絕咗交如果咁唔好彩六年都同A同班咁大家面阻阻。但係我真係好辛苦。我唔知我可以點做。
睇到呢度嘅大家我好感謝你哋🙏🏽🙏🏽🙏🏽。希望你哋可以喺下面comment俾啲意見小妹。
Sorry for 1999。不喜勿插。勿妖小妹小學雞🙏🏽。因為我真係好唔知點算🙏🏽。希望你哋真係俾啲意見小妹🙏🏽🙏🏽🙏🏽。
24/01/21 18：31
唔該哂admin🙏🏽🙏🏽🙏🏽