#NSS學校
[GUEST] 小妹今年F4，見到我校同香港學校嘅學生會大多使用外文(非中英文)起名，中文版更寥寥無幾。
想問下大家認為呢種現象嘅原因係咩呢？大家對於學生會起名，又比較偏向簡單易明嘅中英名定比較文藝嘅外文？❓👀
先講下自己嘅感受：此類外文名比較冇記憶點，甚至有d學年完咗，都唔清楚點讀、咩意思。🤔本人偏愛簡單直白嘅言語，因為學生會屬從政活動，受眾係學生，其宗旨要令越多人理解、深入民心先係最正道嘅做法。
我尊重每個學生會經過深思熟慮所決定嘅名，你地嘅奉獻係絕對比呢個用名嘅討論上更值得關注嘅。為此我都祝福各學生會工作順利、認真肩負為同學服務嘅責任！💪🏻
以上僅為個人意見，希望大家能踴躍分享高見✨✨✨感謝！！