#NSS個人
[GUEST] 小妹今年16歲，Grade11 (F5)
自己一個去咗加拿大讀書差唔多四個月
原本冇計劃繼續留喺加拿大讀大學
但係而家我有機會喺加拿大讀埋大學。
我唔知應該返香港定係留喺加拿大讀。
–
因為原本真係冇計劃留喺加拿大，
而家又有得俾我選擇，我唔知應該返香港定繼續留喺加拿大。
–
我想留喺香港嘅原因係：
1）由細照顧我大嘅嫲嫲身體最近變差
想攞多啲時間陪佢，好驚如果見唔到佢最後一面會後悔成世。
2）屋企唔算好有錢但都唔係窮
但係我仲有一個哥哥都要讀大學(喺香港)
我仲有一年高中要讀，
我而家讀緊嗰間學費都算貴+住宿另計
好驚屋企負擔唔起或者好辛苦。
3） 始終自己由細到大喺香港長大
朋友屋企人大部份都喺香港，
覺得香港有歸屬感多啲
–
我想留喺加拿大嘅原因係：
1）最主要都係香港最近嘅情況
我喺呢度就唔多講。
2）覺得加拿大真係適合我好多
無論係生活節奏定係環境
我覺得暫時呢度比起香港更加適合我多啲。
原本喺香港一直都好大壓力
嚟到加拿大個人真係舒服好多，冇咁大壓力+chur。
3）如果我真係留喺加拿大讀嗰間大學
嗰間大學真係好好同埋好出名，
好多人都想入去讀呢一間+對我未來份工作好大幫助（？）
–
我而家有機會但係因為以上嘅原因我唔知應該返香港定去加拿大好。想問吓大家點睇🙏🏻
–
第一次投稿sorry for 1999
Admin post ig plx thank you🙏🏻