#NSS家庭
[Tlmshk] 小妹第一次投稿可能會有少少語無倫次
就係咁嘅，小妹讀緊女校，今年form5，有一個讀男女校嘅中三阿妹。因為年紀相若，我同佢都比較親近。
但係到最近，阿妹突然間開始每晚都同人zoom，係佢啲同學，識咗唔係好耐，大約5、6個人，但係通常都得佢一個女仔，其他都係男。
我唔係話好歧視男仔同女仔做朋友啦，但係佢哋真係日日都zoom，係度吹水一講就係四五個鐘，有聽過佢哋傾計都係傾啲八卦、戀愛問題同埋鬧人。我有問阿妹，佢都淨係話朋友，返學都會傾計。本身都冇咩問題，但係阿妹話佢哋諗住約出嚟一齊出街！
雖然都係我呢個家姐多管閒事，不過我好擔心阿妹會識到啲咩狐朋狗友mk妹mk仔，擔心啲仔仔對佢有咩企圖，如果唔係點會日日都傾到咁夜，幾乎日日都過12.先瞓。
想問各位我應該點算😢好擔心佢😢可以點樣同阿妹講（最近因為佢日日同人傾計都少咗同佢講嘢
sorry for 1999🙇🏻♀️