#NSS個人
[GUEST] 求admin post, 我真係諗咗好耐但都唔知點算
第一次投稿, 文筆同分段等可能好差, 請大家見諒🙏💦
同埋*長文慎入*, 事先多謝所有願意睇嘅人, 冇諗過自己會寫咁長🙇🏻♀️
–
我一直都有個目標, 就係希望所有人對我嘅印象都係正面, 所以好努力同人好好相處, 唔拒絕任何請求, 因為如果咁樣就唔會有人排擠我, 而且分組做嘢都會順利D, 同埋我好在意人地嘅諗法, 好驚得罪人。我知道係冇可能, 但我都係一路堅持。
–
我有3個知心朋友, 我好鐘意(朋友嗰種)同佢哋一齊, 佢哋係身邊個陣覺得有人陪我, 唔使驚人哋嘅目光, 同埋可以做自己。但一到自己一個就覺得有人會望我, 覺得我好奇怪。佢哋3個都話遲D會出國讀書, 而且好大機會中學就去(本人今年中三, 屋企冇經濟能力送我出國)。我知道我有D依賴佢哋, 我好驚佢地走咗我自己一個唔知點算。我應該點做?
–
12尾左右有個男仔同我表白(非曬命), 佢表白個陣係考試前嘅休息時間。佢年紀細我1個月(個人不能接受年下), 而且個陣有大概7-8個人(包括我同佢)在場, 如果我拒絕我驚其他人可能會唔開心, 而且我曾經有同人表白俾人直接block嘅經驗, 所以佢俾人拒絕一定會勁唔開心。最後我都係冇拒絕
之後佢有時send D😘🥰emoji, 而且會用「我哋兩個」呢個字我都會勁反感, 但我決定忍下試下有冇奇跡出現(日久生情), 結果可想而知, 12月到依家4月, 我越黎越覺得唔舒服, 我感覺我呃緊佢。我問過知心朋友, 但冇同佢講我唔鐘意佢, 佢每次問我其實鐘唔鐘意佢我都含糊帶過, 因為我驚佢覺得我渣。
–
我知道我本身係唔好, 咁做本身就係唔啱, 應該做自己靠自己同堅守原則, 但我真係好驚自己毀咗自己嘅人際關係, 我應該點改善心態同埋處理俾人表白嘅問題?
–
好努力咁表達出嚟, 但如果真係表達太抽象同分段太差任diu, 希望大家可以俾建議我, 多謝🙇🏻♀️🙏💦