#NSS家庭
[Guest] 最近有件事令我苦惱咗好耐，希望大家幫吓我🙇🏻♀️
嗰一日我一家人如常咁食緊晚餐，我哋屋企係自己食完飯就攞碗筷入廚房比工人姐姐洗，嗰日阿媽一早食完佢就入咗房，咁客廳淨返我同阿妹食緊飯，阿爸就入咗廚房擺低碗筷。
過咗一陣我都食完擺入廚房，點知行過去嗰陣我聽到工人姐姐同阿爸講: because I am not not beautiful already so you don’t like me啦（我屋企個工人姐姐都做咗10年左右 而且講嘢都會夾雜廣東話）然後我阿爸答佢: Nono… 後面仲講咗兩句嘢不過聽唔到我亦都唔係好記得後面講咩，淨係見到我阿爸係搖頭咁講
我聽到之後就返房喺度諗啦，突然間醒翻起新年嗰陣我哋屋企要出去拜年，阿媽想叫個工人姐姐一齊去婆婆屋企睇住/照顧我阿妹，然後我工人姐姐話嚟M唔想去，最後因為阿媽有啲嬲所以都有一齊出去。
返到屋企，我阿媽喺間房做緊公司嘢，咁我都係入邊錄緊電話，出到客廳發現工人姐姐喊緊，爸爸就安慰緊佢，但係我出咗嚟工人姐姐佢就走入返佢間房，連我阿爸都走開咗。咁我梗係即刻問我阿妹發生咩事啦，佢話淨係知道工人姐姐啱啱喊，唔知道爸爸同佢講緊咩（佢哋講緊英文阿妹唔明）
呢兩件事令我覺得阿爸同工人姐姐有啲奇怪，我又唔夠膽同阿媽阿妹講，我亦都唔知可以點，麻煩各位幫吓手呀🙏🏻🙏🏻🙇🏻♀️
可能有啲長或者講唔清楚，唔好意思🙇🏻♀️