#NSS學校
[GUEST] 話說我今年form 4，多咗選修科可以讀，原本一路都冇問題，但係自從我有一次考試出咗成績表之後，我發現個阿sir對我態度唔同咗好多。
上Google meet個陣，我cam影低咗少少就捉住我係咁嘈（明明全班得1-2個係影曬全相）但係就淨係鬧我，鬧咗我差唔多15分鐘，係咁話我唔尊重佢，如果連尊重都唔識就不如唔好上堂，然後話如果我影唔到我成個身就記我曠課。
同埋做咩都好容易俾佢嘈，做錯幾題Past Paper又俾佢鬧，搞到我壓力越嚟越大，我原本好鍾意讀Chem，因為對我嚟講真係興趣大過其他科好多，但係我宜家見到本書已經開始好想喊。
我自問上堂聽書，又會抄notes，功課又準時交，點解會俾人針對？我聽得好多係frd話啲老師針對成績差嘅學生，但係我次次考試都係排頭三，點解要針對我？
（其實我有諗過係咪我個樣生得衰所以佢唔Likey我😂）
定係其實係我太敏感，諗得太多
明明係因為興趣先選讀呢科，但係依家真係好辛苦
Sor for 1999，如果我講錯啲咩還請大家屌細力少少🙇🏻♀️