#NSS社會
[GUEST] 是咁的，我今日遇到一件幾離譜既事。
我自己係一個比較鍾意睇書既人，而且鍾愛實體書（覺得睇電子書唔過癮&鍾意儀式感😂），平時出街如果要搭車既都會帶住本書係身，得閒就睇。可能有人覺得咁樣好奇怪and「扮嘢」，但我自認只係個人習慣冇咩問題。
但係今日我出街帶左本書，係等車同埋紅綠燈個陣就拎出黎睇，係冇阻礙到任何人既情況下，我聽到身後一對情侶無端端好大聲咁議論我。個男子用一種好不屑一顧&唔尊重既語氣同佢女朋友講；「呵，有人係度睇書wor」個女仔就話：「做咩姐～睇書咋嘛。」男子接續：「要睇去d安靜既地方啦，係度睇，好笑。」我個陣仲focus喺本書度，過左陣先反應到佢哋講緊我，以致轉個身望佢哋一眼都冇做到。
我唔敢話對話100%完美復刻係度，但可以保證九成以上，個位男子既語氣係非常睇唔起人&語帶諷刺，所以而家lum返起覺得好離譜and受到冒犯。
我只想問，我冇騷擾到你，只係進行自己既娛樂有何問題，邊個規定睇書一定要係圖書館？大家又點睇？可能有人覺得我玻璃心，但係當下我真係理解無能，唔通一定要低頭打機或者睇ig先係你口中「唔好笑」既行為？（黎度冇歧視既意思，我自己都會睇手機）另外就係，既然討論人地仲係咁唔尊重下麻煩控制下聲量，我唔想知道你既睇法都唔想比你影響心情。
Sor for 1999
題外話：大家有冇推薦既書，我睇埋手上幾本就書荒了（可以唔使理我）