#NSS個人
[GUEST] Sorry for 1999，勿相認thx
不過我其實有睇開Nss Secret嗰啲post，都見到有好多中一嗰啲妹妹仔為情所困🐒，或者點樣識朋友or學業上有問題✨，作為中二嘅band1b學生就喺呢個post幫你解答一下
學業：
其實真心小六升上中一係一個好大嘅環境轉變，其轉變就相當於你喺極地然後突然間又去熱帶森林😵💫
中一有好多from唔同區嘅同學，衰啲講可以話係魚龍混雜🤧🤧絕對比唔上小學嗰陣咁純情咁天真可愛💦
唔知你哋讀緊小學嗰陣有冇比人管得好勁，即係嗰啲返六年小學but六年都冇手機嗰類+考試考60～70分都會俾人diu到飛起嗰啲…..
然後佢哋又同你講去到中學就唔理你嗰啲…..你哋冇估錯，小妹家長就係咁嘅人！不過佢哋又真係去到中學就唔理我，然後我就放飛自我了～～～
本來小學全級40～50名左右，已經中下，然後中一直接1xx，全級尾幾….
然後今年中二見到上年咁悲慘嘅成績，所以俾咗少少認真落去讀書🐒，成績就梗係好過上年好多好多，不過都係英文49/100唔合格，但係因為今年疫情關係所以今年升班唔到班….
（唔好問我點解中一肥淨一科都升到班，我講咗點解就等於開咗校名😵💫😵💫，請體諒）
聽到自己要留級嗰陣時簡直就係晴天霹靂，希望冇在明天咁…不過小妹都慢慢咁睇開咗，讀多年就等於可以比自己嘅知識更加牢固（雖然耽誤咗一年青春😿）
所以忠告❗️主科要趁小學打好基底，因為個人認為中學嘅知識係比小學艱辛，你小學都唔讀書咁你中學就67了～～
朋友相處：
好啦咁雖然小妹都唔係話好多朋友嘅人，但係相處落嚟都OK，所以就分享一下自己嘅心得～please細力少少diu
咁首先如果你真係唔知點樣喺中學識朋友嘅話，本人建議你可以問同學問題然後乘機做friend✨，如果你怕羞少少嘅而你又有小學嘅朋友一齊返同一間中學嘅話，你可以黐埋你個friend度，咁你個friend識到朋友咁你哋兩個自然都熟～～唔做朋友都可以做個熟人
感情問題：
咁其實本人就未拍過拖亦都唔建議，主要就覺得太麻煩。不過其實都係自己嘅選擇，有冇話一定要影響到自己學業就要散，其實主要因為你覺得你顧多咗一個人，而你學業又下滑，所以你先覺得係你條仔or女影響到你，不過其實自己都有問題💦遇到呢啲情況不妨都同你另外一半傾一傾
為情所困嘅話我就建議你直接分，你仲有青春，無謂嘥時間啦～～and強烈不建議衰十一
（每個人都有自己嘅睇法，呢度diu輕d🥺🥺)