#NSS愛情
[Guest] Admin plz po IG🙏
話說我係今年聖誕假到識咗一個女仔，佢係我同班同學，之前都冇乜傾開計，係近排先至同佢熟，其實係一開學嘅時候已經有留意到佢，覺得佢都幾靚，但係因為今年我要移民，加上佢平時喺學校都好靜(好似好難識到佢😶)，所以我都冇諗住去識佢，不過係前一牌佢突然間問我係咪要移民，而佢係呢一方面到比咗好大嘅建議同睇法我，可以話係我咁多frd入面最詳盡嘅一個，我同佢亦都順住呢個話題開始傾落去，每次傾完一個話題之後，佢都會開個新話題，有一次都傾咗成日，佢有時都會分享吓佢啲日常，平時都會send佢啲寵物俾我睇吓，有時佢都會主動搵下我咁，就咁樣傾咗一排(唔算好耐)，我開始feel到自己對佢有好感
去到近排我同佢傾起我鍾意邊個，因為我唔想咁快俾佢知我鍾意佢(我知我廢，我淆底😅)，所以我就係咁隱瞞，搞到好似
我鍾意第二個，不過仲喺度係咁同佢傾偈，我都feel到佢開始有啲嬲同埋唔耐煩，去到而家我feel到佢會好主動咁close話題，唔係好想理我咁。
我都知佢可能由頭到尾都只不過係當我普通朋友，搵我傾吓計咁，甚至可能只不過係搵我黎攝時間咁，不過到依家我都幾肯定我係鍾意佢，我都諗緊應唔應該去表白，如果表白得咗嘅話我都會選擇留喺香港。同埋小弟上到中學之後都冇乜去識異性，佢可以話係上到中學後第一個我真正鍾意嘅女仔。
希望大家可以俾啲建議同埋意見🙏
Sry for 1999😅