#NSS愛情
[GUEST] 坐我前面嗰個話佢鍾意我，但係我對佢真心無feel.
是咁的，小妹今年f.4, 同宜家坐我前面個位仁兄之前同過班，但唔係太熟。
係兩個禮拜嘅相處之下，我同佢熟咗，都因為有group project所以成日係signal傾計。幾日之前，我地咁啱傾到去戀愛話題，佢突然問我最近有無興趣識男朋友，話有荀盤介紹俾我，我即刻feel到條友D唔對路，係咁瘋狂暗示佢我未想拍拖住，點知阿A唔知係真傻定扮傻，總之就完全get唔到我嘅暗示。
重點黎啦，佢話禮拜一有野要同我講。我心諗：等到禮拜一仲得了？！（重申一下，本人係極其討厭當眾表白之類嘅野）雖然佢可能唔係想當眾，但係一諗到有咁嘅可能性我就已經feel到好尷尬，再加上我真係對佢無feel（先做咗friend兩個禮拜咋大佬）
反正為咗避免最差嘅情況發生，我已經唔理得咁多，使出15年黎累積嘅才智先逼到佢個日就同咗我表白。但係問題就黎啦，係未來將要同班三年嘅情況下，我要點拒絕佢個情況先唔會咁尷尬呢？？？求咁多為大佬救下我🥲🥲🥲