#NSS個人
[Guest] 是咁的，小妹前幾日返學落好大雨，周圍都水浸，因為咁返學嗰陣時就淋到濕晒，校服又濕，鞋又濕，但係校服濕都唔係大問題，因為比較薄好快乾，隻鞋濕先係問題。
因為返學果條路排水好差，只要落大雨啲就會水浸。咁嗰日落超大雨，我就着校服，着婆仔鞋，一落車啋踩水到嗰下又凍又唔舒服，啲水已經浸到腳眼，依條路又要行大概10分鐘，啲水浸到成條河咁，行果條路嗰陣時基本上同喺水入邊行冇分別，仲要臨到學校嗰條路仲有個好深嘅水氹，啲水浸到條小腿度，返到學校嗰陣時，隻鞋已經裝滿晒水，仲要即刻去早會，就咁我隻腳就係裝滿晒水啲鞋up咗9個字，完咗之後廁所除鞋睇一睇，就發覺隻腳已經俾啲水浸到皺晒皮。等到就嚟放學嗰陣時隻鞋難得乾咗少少，竟然又再開始落超大雨，放學嗰陣時又要行返同一條路，隻腳又俾啲水咗浸多次，而且返屋企嗰程巴士又冇位坐，隻腳就咁喺隻鞋入邊俾啲水浸多1個鐘，返到屋企除鞋嗰陣時，隻鞋可以差唔多倒番半杯水出嚟。😖
所以請問大家有冇啲防水嘅婆仔鞋或者皮鞋推介，唔使好勁只係要啲水唔會喺個皮面滲入去就得，因為我唔想每次落雨都要咁樣濕住返學校，真係好唔舒服(學校唔俾我哋着水鞋返學)
Sorry for 1999,如有錯字請見諒🙇🏻♀️