#NSS家庭
[guest] 我就嚟頂唔順我老豆
佢做差唔多十年警察 原本我唔係好介意 但係反送中遊行開始佢就不停想洗我腦 睇美劇就喺度話美國搞到世界好亂 所有戰爭都係美國挑起嗰堆廢話 其實呢 我只係想睇電視 你嘈少陣係咪會死？
佢仲有好多問題好嚴重 佢係一個雙重標準嘅人 我同佢坐喺梳化睇手機 我睇一陣佢就_我睇咁耐遲啲就盲 自己就繼續睇 如果係咁的話我使唔使幫你搵定一隻導盲犬？
以上嘅事情我都可以忍 但係我今日真係頂唔順 我今日去攞新眼鏡(本人近視冇加深 舊嗰副係2年前配嘅 因為視光師怕我一嚟就戴200度會暈 所以右眼鏡片差大概100度)返到去同老豆講返我近視冇加深 新眼鏡只係補返嗰100度 但係唔夠2個鐘佢見到我睇手機就_我 話我1年內近視加深100度都未知驚 喺度玩手機 遲啲就盲 我嗰時好嬲 但係我懶得同佢解釋 因為我知道佢跟本唔會聽入耳
如果你睇緊呢個post 以下嘅文字係我對你嘅話:
如果我大個出去做嘢唔比家用你的話 請記住一切都係你咎由自取 我只會供養值得我尊重嘅阿媽 你以上嘅種種行為好成功地令我對你反感 係你自己證明咗我尊重你係一個錯誤嘅決定
sor for 1999