#NSS個人
[GUEST] Admin please po ig🙇🏻♀️🙇🏻♀️
你好！我有一個由細認識到大嘅朋友A，我最近同佢鬧咗交，唔知點算好希望大家可以幫吓我。🙏🏻
事情發生係琴日，我同朋友A一齊打咗成日機，包括一齊打電話。到咗夜晚我同朋友A打緊機嘅時候，我暗戀對象B問我打唔打機，咁我就當然應承咗B啦！朋友B係個好怕生嘅人嚟，佢基本上完全唔會同其他人講嘢（包括A），但因為佢之前被人排擠，我幫助佢，佢就對我好開放。因為B平日都好忙，所以我同佢玩嘅時間得好少。跟住我就同A講「我同B打機吖，半個鐘之後再同你玩！」咁就打咗比B一齊打機，希望可以爭取多啲同B交流嘅時間 。
同B打完機之後問題就發生啦。A佢鬧我話佢唔覺得我係佢朋友，因為我竟然因為想同B玩而放棄佢。又話我從來都唔當我係佢朋友，乜都冇為佢諗過，之類話我冇理佢感受。話死咗去好過（因為佢小四發生過啲事，入咗醫院，醫生話可能會返發。所以我都唔會講得好絕）
其實我都係想同我鍾意嘅人玩一陣姐，咁難得B有時間。但係就好似講到我同我鍾意嘅人玩有罪咁。我都只係同咗B玩半個鐘姐，但係我同A玩咗成日，半個鐘都唔比。跟住佢又話係佢用自己啲時間同我玩咁樣。我都唔知點算好。其實我真係當佢係我好朋友，但係佢成日因為少少事而搞到我哋鬧交，我覺得真係好辛苦。我都係想做我想做嘅事姐，但係俾人block左。🥲真係好唔開心，我想keep住呢段感情，但係又唔知有咩方法，希望大家可以幫下我😭
Sorry for 1999🙏🏻🙏🏻
Thank you admin🙇🏻♀️