#NSS家庭
[GUEST] 小妹今年讀中三，
成日都同屋企人嗌交，
而大部分原因都係因為我細佬。
我由細到大都缺乏安全感，又成日驚驚青青咁，
細佬細我7年，嗲哋媽咪成日話佢係我細佬，所以我要讓佢。
佢見我買咗啲咩嘢食返嚟，話要食乜，我就要讓啲俾佢，即管嗰樣嘢食係我最鍾意食嘅。
我唔讓俾佢，媽咪就會鬧我自私，跟住又話我係家姐嚟，要錫細佬。
我話想學鋼琴，想去補習，佢哋就話太貴，又話我一定會三分鐘熱度⋯但我係真係想學
而細佬話想學跆拳道、乒乓波，佢哋就俾佢去學。
但係細佬又唔係聽話嘅人，成日鬧完講完都仲係做埋人黑人憎嘅野。
可能係我容易呷醋，覺得佢哋對細佬好過我，所以我有陣時都幾唔鍾意我細佬⋯
但媽咪就因為咁就覺得我心入面係冇屋企人，係冷漠嘅，所以就成日同我嗌交。
但我哋全家人都係死要面嘅人，就算有錯都唔會肯主動去認錯，所以當我同我屋企人鬧交，冇人肯各讓一步，情況就越嚟越嚴重，關係越嚟越差。
搞到我成日玻璃心，情緒化到爆，次次鬧完交都匿埋喺度喊
真係想出街同啲朋友一齊多過同屋企人一齊，雖然知道朋友唔會好似屋企人咁為我付出咁多。
真心唔想再咁落去，遲早同屋企人關係破裂
有冇啲建議可以俾到我🥲
Thx🙏🏻Sor for1999
麻煩admin🙏🏻