#NSS個人
[港島區某中學] admin po ig唔該🙏🏻 （少長）
我喺同朋友之間嘅關係出現咗啲問題, 想花各位少少時間,睇到最後, 畀少少意見
我下年升中三，喺近幾個月同一直好熟,玩得好埋又有晒共同興趣嘅friends 疏落咗。雖然今年中二唔同班，但係上學期都成日一齊玩。去到大概幾個月前，喺學校見到佢哋就冇再講嘢，佢哋自己都有另一個whatsapp group。以前鬧交我哋都好快好返, 但係明明今次我哋明明冇鬧交, 我就好似畀人孤立咗咁，只會喺籃球隊打波嘅時候有少少交流。
我份人就好衰嘅, 好要面, 既然佢哋唔理我, 我亦都唔會夾硬癡去佢哋度。我識其他新朋友, 同自己班嘅人熟咗,但係興趣喜好好唔同, 遠遠不及舊時嘅朋友, 其他同我有共同興趣喜好嘅人又有各自嘅best friend。
我知道佢哋背後有話我冇friend。有次練完波企喺佢哋隔離, 聽到佢哋陣間一齊食飯再去睇戲, 真係好想join, 當然佢哋無視緊我我冇可能join, 然後我就扮聽電話話去婆婆屋企食飯, 等佢哋覺得我唔係冇人理, 不過都係自己呃自己, 甚至佢哋根本唔care。
我好清楚「一個人原來都可以盡興」, 但係我係好鍾意同一班friend一齊出街玩, 日日見到其他人成班friend周圍去玩真係好羨慕, 我同而家嘅friend會放學一齊食飯, 但係假期都係約唔到出嚟。有時自己喺屋企都會諗返之前嘅佢哋, 好想喊。
因為我讀書差, 都幾肯定下年唔會同佢哋一班, 只希望可以喺學校識到啲鍾意打籃球/日文歌/模型/韓劇嘅人, 有多啲共同話題
阻大家咁耐唔好意思, 但係可唔可以畀幾句意見我, 有冇可能修補返呢段關係同點樣同新朋友再熟啲🙏🏻
(sorry for 1999)