#NSS愛情
[GUEST ] 純放負 可能會好語無倫次
點解你要咁樣傷害我 點解要欺騙我嘅感情 我好痛 但係我知道自己有一日點都要企返起身
記得上年七月嘅時候 我當時心情好低落 而你喺IG搵我傾計 而我都得知你係個細我一年幾嘅女仔 亦都同我一樣好鍾意動漫 慢慢咁我哋越嚟越熟 變成咗交心嘅好朋友 雖然我哋只係網友 但係彼此已經鍾意大家 你乜嘢都同我傾 仲打算約我出街
突然有一日 你突然取消同我出街嘅約定 仲要話做返網友就算 我以為你只係一時嘅衝動 但係當我再搵返你 並提出想變返之前嘅關係 你就話「當初係故意令你鍾意我 我只係想喺呢件事獲得自信」 點解要咁樣 呢個明顯係大話 我只係唔擅長講嘢 點解要咁樣對我 我真係好痛 我想𠝹手 但係我唔想畀人睇到傷口 我一直都係用偽裝嚟包裝自己嘅脆弱 我係個有精神病同心理病嘅人 我一直唔想畀人知道呢啲嘢 我不斷受到傷害 但係可以短時間恢復 但係今次我跌得比任何一次更痛 已經兩個月啦 我仲係咁痛 仲係放唔低你 每次我睇到同你嘅對話記錄 我都好想喊 但係已經喊唔出 我只想搵一個真心嘅人 但係永遠都無人真心對待我
我知道我一定要放低佢 但係我跌得太痛 我好難再企起身 情緒低落已經嚴重影響我嘅人際關係同學業 我知自己一定要企返起身 但係有條心刺 我真係好迷惘
admin plz po IG