#NSS愛情
[guest] 大家有冇試過分咗手又想搵返人？又或者拒絕完人地，到人地真係放棄咗先後悔點解要拒絕人？
係咁嘅，之前有個男仔追我，我因為未準備好拍拖，加上要專心讀書，拒絕咗佢。咁佢其實對我好好，為我付出咗好多，我地好多方面都好夾，相處得好舒服。佢前前後後同我表白咗3次，但我3次都拒絕咗佢，因為我真係未ready好拍拖，同埋嗰陣真係未係時候拍拖。
佢第3次同我表白嗰陣，係打電話同我講嘅，然後我聽到佢把聲有啲唔對路，應該係喊緊。佢話嗰次係最後一次，唔想係咁煩住我。我嗰陣好內疚，我從來未聽過男仔喊，我想叫佢等我，但我唔知自己幾時先ready，唔知佢要等幾耐。我唔想吊住佢，亦都唔想求其應承，於是狠心拒絕咗。
自嗰日之後，佢少咗搵我。過咗幾個月，佢同第二個一齊咗，然後同我講佢女朋友唔想佢同我有聯繫，要佢同我絕交。件事過咗成年，我地都好耐冇聯繫，但呢年黎我係咁諗起佢。我成日都好掛住佢，好想返返去以前，好後悔點解當初要拒絕佢。
點解次次錯過咗先識在乎？如果係你，俾人hurt完會直接bye bye佢條尾定俾多次機會佢？
純討論
sor for 1999