#NSS學業
[“你努力啲學習”] Hi 唔知大家屋企人會唔會成日同你講？
“你努力啲學習啦”
其實我一開頭都覺得冇所謂，都係想我努力啲讀書。但係我阿媽差唔多日日將呢一句掛起個嘴嗰度，佢同我講呢句仲多過同我傾偈。佢都係想我努力讀書，我明嘅。
佢咁樣我覺得好煩，我好憎讀書，好唔鍾意讀書。就算我幾努力我都係咁垃圾，佢永遠都達到唔到佢嘅目標。好想日日叫我攞滿分，我盡力啦。我都係攞唔到。
問我默書咁簡單點解你就唔可以攞滿分，可能有啲人攞到啦。但係我攞唔到。佢成日問我”你攞啲咁嘅成績你滿唔滿意。”我梗係滿意，我盡左我嘅能力去考呢個分數，我點會唔滿意呢？
今日我同阿媽傾偈。講xxxxxxxx，佢又話”我唔係唔俾你睇片呀，你與其睇片不如努力啲讀書啦”
我同我阿媽訴苦，佢又話“你與其喺呢度講不如努力啲讀書，離開嗰班人”
“xx 你努力啲讀書”
“xx讀書加油啊”
“xx我相信你得㗎努力啲讀書呀”
佢可以同我講嘅就係“你努力啲讀書”可能佢擔任嘅唔係朋友呢個角色，而係媽咪呢個角色。佢可能唔明啊。佢做只係叫我努力啲讀書，但係我真係好想佢可以同我講除咗”你努力啲讀書呀”之外嘅嘢。
可能佢都係想為咗我好。但係佢反而搞到我覺得讀書好大壓力，好唔鍾意讀書。
補充*
今年中二、成績中上。
希望大家唔好介意，唔好覺得我好有病。
多謝大家。🙏🏿