#NSS個人
[某彩虹男女校] 長文慎入
小妺今年F.2，一直都覺得自己情緒好差，有抑鬱症。我上網search過有咩症狀，我差唔多中唒。成日突然好down但我自己都唔知點解，然後就開始爆喊，跟住又會亂諗嘢，自殺個D諗法成日都有，仲會諗自己死咗大家有咩反應，勁負面。而且我大概上個暑假開始，突然間對睇書冇興趣（以前一定會有本係手）我好予盾地係想睇，但一打開準備睇就完全冇耐性。而且明明有班frd陪但覺得自己好孤獨，有時候我嗰日咁arm冇入call就覺得自己好孤獨，之後嗰日就完全唔會social直到好少少就會揾最熟嘅一個frd講，我同佢傾完都會好少少。而且成日覺得會唔會有一日俾人絕交冇人理我，個人由朝驚到晚。仲會開始覺得麻木，唔明我點解要生存，冇目標去生活。記性差到一個點，覺得自己一無是處，成日令人失望，做乜都做唔好。但我由始至終都冇自殘，第一我唔敢，第二我係非常怕痛所以放棄咗。有時候覺得自己一個好舒服，完全唔想理人，生活係自己世界咁。最令我困擾嘅係每次出街都會覺得人哋係咪望緊我，佢係咪覺得我好奇怪？佢一定係覺得我樣衰唔識襯衫。所以我有得唔落街就盡量唔落。最煩係失眠到4、5點，第二日返學眼勁乾，頭兩堂一直瞓覺，但因為我精英班所以要迫自己唔準瞓，然後每日一落堂就瞓成3、4個鐘甚至去到第二日。其實仲有好多但我嫌長氣唔講咁多啦。我唔知點開口同父母講，一嚟唔想佢哋擔心，二嚟見到佢哋心痛嘅樣就覺得自己令父母傷心好不孝。唔知大家可唔可以俾D意見我，我真係唔知點算🙏🏼
Sor for 1999
Admin plz po ig