#NSS學校
[港島某校] 我feel到自己被人遺棄左
小弟我本身有少少社交恐懼
本來小學嘅時候就係一個隱性邊緣人
（表面上好似好多人同我講野但係全部都係問我攞功課答案，冇一個係放假會約出嚟玩嘅）
去到初中時候好彩有幾個好熟嘅朋友
間唔中都會約出黎玩
我諗住我地應該至少會friend到畢業
但係經過呢一個疫情之後升到高form
全部人都好似變左普通同學
佢哋都各自搵到新嘅飯腳同friend
得返我自己一個仲原地踏步搵唔到新朋友
又唔好意思約返佢地出嚟玩
我仲feel到佢地有意避開我
我睇住佢地成日同新嘅friend一齊
考完試同放假約出去玩
自己就一個人冇人理
「一個人原來都可以盡興」係一個最大嘅大話
當你嘅生活試過由邊緣人變做正常人
然後再慢慢睇住自己做返邊緣人
嗰種感覺真係好辛苦
我試過自己一個食lunch
同埋搵新嘅朋友但係都唔成功
反而仲令到自已回憶起
之前同班friend相處嘅回憶而更加痛苦
心理壓力好大
直情試過男人老狗半夜三更跑到維園
（唔想俾屋企其他人聽到）
一個人喊到收唔到聲
我一D都唔貪心 唔會話想做好多好顛嘅嘢
只係想有一個正正常常嘅中學生涯
將來Keep到幾個真心朋友
同留返低少少回憶就足夠
成日聽人講中同係一世嘅
但係我真係好驚咁落去自己將來一個friend都冇
我知道自己已經就黎崩潰 唔知點算好
如果繼續係咁落去
我驚我真係會情緒失控唔知做D咩事出嚟