[guest] hello大家好，小弟今年form 5，近排開始煩去外國升學嘅事。
本身我間學校嘅風氣都麻麻地好，所以入面識嘅friend大多多都懶懶閒，我都跟住佢哋一齊頹，結果開始係咁拖功課，只求做完就算。我一直都覺得咁樣落去唔係好事，同埋我屋企雙親都係啲比較保守同老實嘅人，所以我hea極都唔敢令佢哋失望。
但係我呢排開始想諗去加拿大升學嘅事。我都有同屋企嘅人講，佢哋都好支持。我阿媽甚至即刻走去問啲同事同朋友，問下佢哋升學要做啲乜嘢、有咩要預備，仲緊張過我。我呢個時候先發覺升大學都有好多嘢要自己唔識，要預備。
（可能有人喺度呢度已經估到我係邊個）
我亦都有同身邊其他人講我想去外國升學，先發覺原來我都有個friend（下稱A）都想去外國讀書，仲要同我去同一個地方，甚至有可能可以同一間大學。
我當時都好興奮，一齊dm果陣將我好多諗住去到外國嘅諗法都同A講曬，甚至講到去一齊搵屋住，諗住橫掂離開香港，有個熟d嘅人陪下都好。但係當我講到升學嘅時候要“煩”嘅嘢，譬如預備ielts、dse嘅成績要夠好等等，佢就開始話咩都唔知，連揀咩大學都唔清楚（佢話懶得諗）。A仲話我事先諗咁多嘢做乜，因為而家疫情係咁變，plan乜嘢都嘥氣。
我唔知係咪因為太耐冇返學，成日困喺屋企，唔識同人講嘢，所以我第一個反應係諗住鼓勵下A快啲去做下research，同我一齊諗下去大學要做嘅嘢（幾時申請野、考ielts）。因為我知道我淨返form 5可以諗呢啲嘢，去到form 6要掛住衝dse我仲有好多嘢要補返。但係我諗返轉頭又覺得咁樣講好似太囉嗦，以A嘅性格會笑我7，之後A就一句“是但啦，遲啲先諗”就offline咗。
諗返之前自己喺電腦度係咁search嘅大學科目要求、去埋升學talk、點樣騰啲時間時間出嚟考ielts，仲要煩埋自己啲使費夠唔夠企人負擔……我自問都對升大學付出咗一啲努力。睇番A，佢同我完全相反。佢停課以嚟就差唔多日日出街，去到而家都唔係好擔心自己嘅成績咁，唔通升學真係冇我諗得咁複雜？
其實我根本係咪唔需要煩咁多嘢？
全部嘢順其自然就算？
點解A咁唔上心都可以冇嘢好擔心？
係咪我太細膽，咩都要事先plan好曬先？
另外，有冇人有去加拿大升學嘅經歷？可唔可以解釋下預備升大學大概要做咩？
求下各位解答我。