#NSS愛情
[GUEST] 冇投稿過，可能1999，唔長唔短，say個sorry先
就話說小妹我係一個Lesbian，我就中意左我個bff（女）一段時間。聽其他人講通常都係唔會睇得上自己frd，因為了解佢地份人，但我就特別唔一樣。
其實我個幾月之前就想同我個frd表白，但基於佢之前同男仔拍過拖，我又唔係好夠膽話佢知我嘅心意，因為佢都算我唯一嘅frd，出街淨係搵佢出個隻，我怕表白完冇frd做。
我前排有同佢講過我中意一個女仔，話係同佢一樣大，佢識嘅，想暗示一下，但佢唔知係唔係真係有少少「傻」，完全冇留意我講嘅係佢，佢就一直估係佢身邊嘅人。
我之前都套過佢，問佢有冇中意嘅人，唔使話我知邊個，然後佢都答我對個個人有好感。其實我真係好中意佢，未試過中意一個人咁耐同埋咁心動。出街見佢同人send訊息我都怕佢同其他人傾得好開心，我好似有少少呷醋嘅感覺。佢「控」埋嚟我耳邊講野我又會心跳加速。呢個感覺真係好奇妙呢。
我同佢行街個陣會想拖佢隻手，但係又唔夠膽。見到街上面其他女仔都會拖住佢地frd嘅手好親密咁，係唔係中意一個人反而唔太敢同佢有身體接觸？
所以我究竟應該點做好，我到宜家都係自我安慰，唸緊、當佢有好感嘅個個係我，但我知冇乜可能。但一直收埋呢種感覺真係好唔舒服，每次同佢出街，亦都係唯一一個會同我出街嘅人，我心都會咯咯攣，想話佢知又怕醜怕冇frd做怕尷尬，有冇高人可指點我。