#NSS家庭
[guest] 我今年f2 我阿妹小六
佢呢就成日喺微信都識埋啲唔等洗嘅大陸人 成日喺度傾鹹嘢錄自己偷食煙d片比佢哋 仲喺度叫咩寶寶。。因為呢件事嘈過無數次 我阿爸亦都叼爛咗佢電話差唔多接近一年 佢一直都係用緊iPad
佢食嗰啲煙係偷我老竇 呢件事比我阿媽發現咗然後再同我老竇講咁佢哋梗係鬧佢打佢啦 佢一開始係有解釋 冇諗到佢竟然將呢件事拉落我隻貓度 話係佢咬支煙過去佢間房 而錄食煙片我唔知道佢點解釋咁我阿爸就由細到大都係好惡打人嗰種 咁呢件事可以講係我同佢哋生活左咁耐我 最痴線一件事一開始以為佢真係會改 冇諗到佢仍然唔改
中途都有幾次俾我阿媽發現咗 就係佢喺網上識咗條仔 佢第一次拖落水 話我都有喺網上拍拖（我係冇嘅）後尾我阿媽仲打電話比嗰班人鬧佢地同block晒佢哋 跟住就冇嘢
但就係琴日 我阿媽又發現咗佢又喺微信發現咗佢有加返個班人 仲見到我阿妹影自己淨係着一件底衫嘅相比個班人睇 認真我阿妹一啲都唔靚女 仲好肥（156 57kg) 完全唔明點解佢有呢種自信 佢有爆過相比嗰班人（全部都係用網上啲相）但今次佢仍然拖埋我落水 就話我之前係wts發過一句咸嘢 咁呢個我係真嘅但都係我F1嘅時候好耐之前做過嘅嘢 仲話埋我之前同我男朋友去睇電影（呢個係真）但呢啲嘢全部都係一年之前
我依家亦都冇咁樣再做過
我應該點算好我唔想再成日俾佢拖落水 亦都唔想睇住佢咁樣做 我依家讀Band3中學 大學可以同我講係無緣 但係我阿妹仲有機會我唔想佢咁樣落去 我可以點做