#NSS個人
[guest ] 我而家f3，因為f1唔夠膽同人傾計，加上小學冇人同我升同一間中學，所以喺學校冇咩frd。但係平時我有喺出面球會打開波，都打咗4-5年，所以一去打波，成個人就會唔同曬，變得好易笑好多嘢講。
其實平時返學都會有人撩我傾計，但係我唔知要點同佢哋講嘢，完全唔知要點答佢哋，但係如果係我打波啲frd問我問題嘅話我係一定會答到，仲會講勁多嘢。而且我啲同學有時會講下笑，但係我完全笑唔出，差唔多次次都唔係真心笑，我覺得好攰。雖然有時係真心覺得好笑，但係次次笑一兩下隻眼就會有眼水，好似就嚟喊咁，呢個時候我就唔會再笑落去。
但係去打波嘅時候情況啱啱相反，啲frd同我講嘢我會答返佢哋好多嘢。笑嘅時候真係會笑得好盡興，成日笑到肚痛。 但係喺學校永遠都冇試過呢種感覺。所以每個禮拜我都期待星期四去打波。
最後我想問下其實係我慣咗喺學校假笑，定係我自己有其他問題(๑•﹏•) thx and sor for 1999