#NSS社會
[HongKong] admin pls pls po ig
睇完呢篇文#NSS210731G 我嬲到要既刻投稿，回覆返你所對港人既睇法同失望。
仇視係冇分正確定錯誤，你要知道，呢d仇視並唔係一朝一夕嘅事，呢d係咁多年黎中國人對我地既壓迫演變而黎。中港矛盾不嬲都存在，係你睇唔到。
第一，香港開放自由行，令到大量中國人落嚟買嘢，炒物價、炒樓盤，你知道因為呢d你所講無辜既中國人民令到我地要用一世既時間去買個至少400萬既樓？
第二，你提到中國既災難，但香港人幸災樂禍，你知道2002非典、2008雪災、2009流感，呢d自然災害香港捐贈比例係最高既，2009年至2014年香港人捐咗82.1億，你所講既中國人民並冇一句感謝，反而係2014佔中、2019反送中叫我地去死，稱我地為社會人渣。
第三，我並唔鐘意你講中國既缺點係因為高速發展既結果，高速發展係真，但6億人口薪金低於1000人民幣，而高速發展不能夠被作為缺點既藉口，中國人民亦不可能係無辜，因為中國共產黨已經增長到9000萬人，難道支持一個極權政府係無辜？
第四，你講香港媒體經常有片面之詞，你要知道，我哋香港曾經有媒體自由，你有權利去睇兩面嘅新聞，以就係啱啱所有對中國政府不利嘅媒體已經被剷除，呢啲難道係片面報道？
第五，你講盲目嘅仇恨係冇可能解決問題，雖然唔想咁講，但係你知唔知每一場革命嘅背後都係仇恨，無論係美國大革命、法國大革命，中國嘅改朝換代，全部都係由仇恨黎推動。
第六，我不能否認中國運動員付出嘅汗水，但係我知道當你幫助一個極權政府獲取金牌並唔係一件好事。
你可以話港人黑心，但係你唔可以話香港人「盲目」地仇恨，我相信你係有一定既思考先去po文，但係你若係要發表呢種荒謬既言論，我建議你去返自己既ig page到po，因為我對你篇文既感受只有噁心。
你無視港人所做過既努力同付出，反而去憐憫所憎恨的中國人，我對你呢種港人感到失望同唾棄。
希望樓主睇完篇文可以清楚明白，亦希望係po呢種文前可以先了解下先再出聲
#sor41999
#個人感受
#唔鐘意既要屌得大力d