#NSS家庭
[GUEST] 長文慎入 admin po ig thx 🙏🏻
小妹f2
近排屋企真係好亂，想上嚟發洩下
小妹同阿爸 阿媽 姑媽 嫲嫲同工人一齊住，屋企唔係好大400幾尺左右，個人覺得6個人住起嚟都唔算逼，甚至好舒服，但係阿媽成日覺得好細，成日話想買樓（呢個唔係重點
問題係，我嫲嫲已經90幾歲，行路要用兩隻手扶住喺前面嗰啲架（唔知你哋明唔明）聽嘢又聽唔到，要勁大聲講先聽到，仲有少少思覺失調
上面嗰啲都係正常老人家會有嘅嘢，我覺得冇乜問題，但問題係佢嘅態度
首先，一直以嚟佢覺得姑媽係佢個女所以要幫佢做哂所有嘢，所以乜都叫姑媽做，有工人唔叫，姑媽要返工，放工返嚟仲比人叫做呢樣做嗰樣，所以不嬲心情都唔太好
近排唔知咩事，嫲嫲突然變得好煩
食飯嗰陣工人會沖涼，近排我哋食完飯工人未出嚟，佢就自己喺度執碟，仲要攞佢用過嘅紙去抹碟（已經盡量講得冇咁核突）姑媽同阿爸叫過佢幾次唔好搞佢都唔聽
然後晚晚深夜佢都無啦啦起身行出嚟（冇攞到上面講嗰個架）之前有次冇攞架跌咗喺度
由於屋企唔夠位，姑媽瞓梳化床，嗰次（上面跌嗰次）差啲壓到佢，好彩冇事，但就搞到全家人醒哂去扶佢（佢好肥好重）連續幾晚都有起身，次次都深夜
仲有平時係工人幫佢沖涼，之前一直冇咩嘢，近排突然話咩工人想攞佢命，又話趁我哋唔喺度又打佢又鬧佢，但每次佢沖涼都係下晝，我都喺屋企，完全冇發生咩事（上面有講，佢係思覺失調）
近排發生咁多次姑媽已經好躁，佢態度仲要差過之前，真係當佢工人咁洗，有幾次姑媽仲嬲到喊出嚟
我同阿爸阿媽有傾過同佢大女傾下送佢入老人院（佢有三個女，同我住嗰個排第三，排第二嗰個住好遠所以基本上唔關佢事）但次次同佢大女講完佢都當冇聽過，由得佢住喺我哋到繼承煩我哋，又唔肯比佢搬去佢度住（佢間屋大過我哋）
阿媽近排可能返工嗰邊啱太順，心情本身躁，夜晚返到嚟又要繼續聽佢嘈，所以晚晚都留喺房，直到深夜先出嚟。仲有，佢成日話間屋細，想送嫲嫲去老人院咁間屋就大啲，姑媽就有房瞓，我之前覺得佢咁諗好有問題，但而家我只係有同感
我哋而家成家人都比佢搞到好躁，工人已經唔想做，我甚至放學之後盡量喺出面留耐啲，就係唔想返嚟比佢煩，再咁落去真係會崩潰，但次次同佢大女講都當聽唔到，都唔知可以點做，我又係成個家族最細嗰個，冇資格講嘢
主要係成家人真係比佢搞到好煩，心情躁自然睇咩都唔順眼，所以成日鬧交，我仲係比人鬧得最多嗰個（我比人鬧多都唔係重點，始終有時真係我錯，但大多都係因為佢哋躁先鬧我）
而家真係唔知點算，唔想佢哋成日嬲爆爆咁，但我又冇講嘢嘅資格
上嚟真係想發洩下，可能有啲人會話咩珍惜眼前人，遲啲我阿嫲走咗我就會後悔，但我想講你哋咁講係因為你哋有親身經歷過，如果你哋喺咁嘅環境下住咁多年，你哋一定唔會講上面嗰番話，只會同我有同感
唔知篇文會唔會太長，不過睇哂嘅多謝你
另外可能有錯字請見諒🙏🏻
亦多謝admin🙏🏻