小弟鍾意咗自己嘅一個friend，佢係個男嘅，可以話我係一個bi。
其實一開始我對佢嘅感覺真係朋友，佢亦由一開始到依家都只係當我朋友。
但係唔知幾時開始，我對佢嘅感覺開始唔同咗，可能因為佢鼓勵咗我做得更好，唔再渾渾噩噩，可能亦都只係我同佢傾計傾到沉船。
一開始知道自己鍾意佢，我都覺得可能有希望掛，因為佢成日喺ig睇男仔，當然女人佢都有睇。
但係到之後，我好sure佢係個straight，我都漸漸冇咗希望。
其實我同過佢講我係個bi，佢亦都冇咩大反應，都支持我，鼓勵我，其實我好開心，真係好開心。
但係我都知佢支持bi同佢係唔係gay係唔係bi唔關事，所以我一路都只係用一個好朋友好兄弟嘅關係去陪喺佢身邊。
同佢講咗之後到依家都有一段時間，嗰陣到依家佢成日都同我講佢唔係gay，唔係bi，鍾意女人，有時係好刻意，我唔知佢係咪發現咗我鍾意佢，所以我都唔敢有咩大反應，驚朋友都冇得做。
到之後，我收到風佢鍾意咗一個人，係佢自己認嘅，雖然佢都好似唔係好鍾意嗰個人。但係我真係好崩潰，好攰，所謂希望都已經冇咗。
到依家，我做咗好多低能嘢去搏佢注意，去討佢歡心，我都真係攰，望到自己做嘅嘢都覺得好可笑。
其實只係做佢朋友，我都好滿足，不過真係好辛苦，每日都好煎熬，我想改，想放棄但係愈諗愈辛苦。我到底可以做啲乜嘢呢，我真係好鍾意佢，但係我唔敢做任何嘢，想放棄又放棄唔到。
講咁多，其實都只係想吐下苦水，1999唔好意思