#NSS社會
[Guest] 想回應一下 #NSS220417G
我喺呢到並唔係想講你曬命，覺得你係唔係曬緊命嘅都係因人而異。
但我想講嘅係，冇錯，社會就係咁唔公平。「清貧嘅生活可以過得好精彩」，但有幾多窮人真係覺得精彩？有幾多人為左食餐飯而努力揾錢養活家庭？為左生活，不斷挨苦，食唔食到一日三餐都係一個煩惱。
點解會有仇富心態？點解有人會想成為有錢人？唔係就係因為佢哋經歷緊痛苦咩？佢地用嘅每一蚊都好珍惜。
未曾試過做窮人又點講得出口「清貧嘅生活可以過得好精彩」，諗得太美好，應該叫叫精神嘅人生，定累透嘅人生？尊重故然重要，但需要更多嘅係體諒。多一分體諒，多一分包容，都係尊重嘅一種。貧人嘅心情作為一個有錢人，我相信好難感受到，嘗試代入一下？睇下我哋嘅世界，我哋只能抬頭望向山頂，而你，如今係喺山頂俯瞰我哋。