#NSS學校
[guest] 長文慎入‼️
人際關係呢啲嘢真係搞到我好攰
講一講個背景先～
小妹今年中三，有一個朋友都依家幾friend (我認為)，但係學期初既時候嗌過交，其實可以話係我鬧佢，因為嗌交嘅時候佢冇鬧我，雖然同一時間佢個friend同我講佢係背後都有鬧我，但係因為啱啱嗰一個月發生咗一件事，令到我哋嘅關係好返好多。
發生嗰件事既時候，我都有喺whatsapp搵佢，因為有嘢要話比佢知，咁佢都有覆我，覆有時候有時仲會傾下計。我哋喺學校都會講好多嘢，成日都傾偈，大家望落去都好似已經放低咗之前嘅事。佢之前都有同過佢個friend講話已經同我friend咗好多。但係有我哋識咗到而家，佢係從來都冇主動搵過我，我其他識佢既friend都話佢平時多數係主動嗰個，我唔係話呷醋定係咩只不過覺得好奇怪，大家之間座只有一層隔膜，仲有一次，我有嘢要還返俾佢，但係因為我哋兩個都有唔同校隊嘅訓練，佢係要等我嘅，咁我諗叫佢應該會話比我知係邊度等啦，點知佢都係冇搵我 (但係佢有等)，仲有平時就算佢有嘢搵我都好，佢一係就等第二日問我，一係就經朋友問我。但係其實平時我搵佢嘅話，佢都唔會好唔樂意，有時仲會主動講多兩句，平時啲story又問嘢嘅話佢都會react。
平時喺學校有咩都會直接講，同埋我哋喺學校真係玩得好close (應該唔係我自作多情)
我真係唔係好明，點解我哋嘅關係咁奇怪，又好似friend，又好似唔friend咁。
有冇人可以話俾我知我哋嘅關係究竟出咗啲咩問題，係咪我之前鬧佢鬧得太惡所以佢驚咗我？唔該晒🙏🏻🙏🏻