#NSS愛情
[GUEST] 第一次投稿， 如果文筆唔好請見諒🙏
不知不覺已經鍾意咗你五年啦， 其實呢幾年嚟都意識到我哋根本就冇可能可以一齊，只不過都係忍唔住默默咁喺背後留意住你。曾幾何時，我試過日日早起身返學， 為嘅就係可以喺學校門口同你打聲招呼； 每次喺走廊見到你，我都會喺背後默默望住你嘅背影，直至你消失喺走廊盡頭， 雖然外人可能會覺得我好傻，但我明白我根本就配唔上你， 所以可以日日見到你，我已經覺得足矣。
直至一件事嘅發生，令我改變曬對你嘅想法。 雖然你背叛曬我對你嘅信任， 亦都傷得我好深，但係我仍然好鍾意你，每次撳ig都會控制唔住去睇你嘅ig，見到你同其他女仔好sweet 咁又覺得好心痛；雖然已經唔想再見到你， 但係每次喺行經過你嘅班房時，心入面又會有少少期待你會行出嚟。
我宜家都好努力咁嘗試去忘記你，但係夜深人靜嘅時候， 眼淚都會不自覺咁流下，既然你已經唔值得我去鍾意，但 點解我仲要為你而喊呢？我都唔知。
p.s. 如果你睇到呢個post嘅話， 我真心希望你可以反省下自己嘅所作所為。
(sorry for 1999)