#NSS學校
[guest，廢事比人話我損害學校聲譽] 急，admin plz po ig🙏🏻🙏🏻🙏🏻
小妹第一次投稿，先講一句sor for 1999
有咩要鬧即管鬧
最後如果當事人/當事人家屬睇到呢篇文+認得出係講你，我跪求你唔好搞我，匿名投稿冇嘢架
以下呢篇文好長，阻大家5分鐘睇完佢比啲意見thx~
入正題👇🏻
小妹我今年f1，讀某直升學校，由一年班就開始喺嗰間學校讀。今日想講，有個男仔騷擾我。
話說我學期中同左某同級男仔一齊。我地以前一路都同校車但係唔熟，直到上年我地同班熟左好多，就變左「兄弟」
我暫且將嗰位男仔稱為A。
我同A淨係一齊左一個月就因為佢話影響學業，所以就分左，但依然係朋友。當時覺得我地好似有少少曖昧，但冇點去理
跟住某一日，A突然喺我地嘅chats叫自己做老公（當時已分手）我初頭冇為意，但係我地嘅對話發展得越來越奇怪，到最後我都跌左入佢個圈套入面，兜口兜面嗌佢做老公（當時嘅我真係好蠢，因為代表我承認左我地嘅non-普通朋友whatever關係）
又過左兩個禮拜，我地開始左一段超長嘅對話，中間講左一堆無關緊要嘅野。
呢度主要有兩件事令我覺得A係（性）騷擾緊我，就算唔係性騷擾都好，都一定係騷擾，並且令我感到十分不安。
1)A問我屋企有冇+敢唔敢著hs（黑絲，即係嗰啲好性感嘅黑色絲襪），跟住又話「給爺穿」，當時心諗大佬你咩料？突然問人有冇啲咁嘅衫，有病睇醫生啦，但我依然用一個好nice嘅語氣去同佢繼續傾計
2)最主要想講嘅事件，以下慢慢講(plz focus)
前提係我地玩緊真心話大冒險，A先揀左真心話，我當時想確定一下佢係鍾意我定點先會稱呼我為老婆，就問佢係我地嗰grade鍾意邊個，點不知佢諗都唔諗就話佢鍾意我。雖然係有少少意料之內，但我都係有少少嚇到，又唔知點算好，求求其其send左個心比佢，諗住敷衍下佢就算。
跟住輪到我，我揀大冒險，佢先係叫我著hs，我話，你係咪想我著hs想到癲左。佢就將大冒險改為影幅自拍，我照做
之後輪到A，佢揀左大冒險，我就叫佢影幅自拍相黎睇睇（好正常嘅一個請求係咪）
當時佢就話，自己冇著衫，仲要唔要幅相，我梗係即刻say no然後撤回呢個大冒險，改為同我打一鋪機，佢又話自己宜家唔得閒，我咪話等佢囉
過左一陣，佢send左幅一次性嘅相過來，with caption「你要乜相我就比你，畢竟你係我老婆」
我當時wifi差，睇唔到，就叫佢send多次幅相。佢send左過來，caption「得唔得」。今次我睇到啦，我開左幅相，係佢對鏡自拍，然後佢拎高佢件衫，影左幅相，係差唔多睇到佢成個上半身（睇到兩點）
我當時真係好驚，手足無措。我接受唔到，好不安，嚇死左。先cap左圖，保存證據，然後同一班閨密講呢件事。佢地唔理解幅相到底係點，我就send左出來（呢點我承認我做錯左）
我先hea覆左A，一個字「嗯」諗住完左件事佢，之後我地喺閨密群一直喺度討論呢件事。
翌日，我實在係接受唔到要同一個咁嘅人繼續我地呢段不明嘅關係，於是將A嘅電話號碼比左閨密，請佢地幫我講，主要想講我地不能夠有除左同學以外嘅關係，同請A唔好再騷擾我。
A見到message，同我講ok，我傻傻地咁講左句「對唔住，我迫不得已架」。跟住佢話「明白，估唔到你都係咁」。然後佢即時block左我。
去到傍晚，佢unblock返我，問我想點，我問佢係咩意思，佢話我將佢單嘢傳左出去。我其實除左同班閨密講，就冇同其他人講，係得佢地知情+有相，我真係唔知係邊個爆出去。我當時仲好好人咁想開導佢，話咩「相信佢會改變」，宜家諗返起，我覺得自己太好人啦
之後佢持續block, unblock, block, unblock, block…
發生事件嘅三日後，佢阿哥主動搵我，並表示佢知道呢件事。（會將A阿哥稱為B）
我地嘅對話好長，總之係B話：屌，呢單野傳左出去，A冇啦，佢會比人欺凌+踢出校，要轉校啦，佢冇前途啦。大概係咁，有少少恐嚇咁嘅語氣
當時嘅我好驚好緊張，係成個人震晒嗰隻（我本來就係好容易驚/緊張嘅人，又唔知係咪有少少焦慮）我真係唔知點算，冇諗過會發展去到呢個地步
B語氣好惡，講嘅野令我好自責（可以話佢係guilt trip我），佢講到好似A冇做錯咁，好似我先係做得最錯嗰個。B又同左佢父母講呢件事。我開始覺得成件事嘅責任喺我身上，開始狂認錯，但係我地都知到，宜家道歉乜用都冇。
B話佢對我好失望。我從細就對自己好高要求，唔希望令人失望，我嗰下真係唔知點算，死啦，我令人失望啊，我冇啦。
（btw我宜家睇返我地睇啲對話都好緊張+驚）
自此之後我驚左佢地AB兩兄弟，覺得佢地好恐怖。屌，我地仲要返放學都係同校車，仲要有校內活動係一齊嘅，當時放緊聖誕假，我想像唔到我返學之後會點，簡直冇希望
返學後，我比閨密們逼左去見社工同hoy（head of year，差唔多係每一個年級入面嘅主任咁樣），當時我係超級抗拒，完全唔想將呢件事話比任何大人知。但喺閨密嘅一番勸說之下，佢地成功遊說我去。社工約我翌日同佢詳細傾。
翌日（最慘係咩，係撞正我生日啊），我用左好大嘅勇氣，講呢件事講左比社工同hoy聽，我當時亦都好緊張+不安，佢地睇得出。係真架，我每次諗返起件事都好緊張，好驚，好不安。
我喺同一日之內比hoy搵左我兩次。佢第二次來搵我時，話佢同A傾過，A話佢知錯，亦都好後悔。我信唔過呢句，我已經信唔過佢地兩兄弟。
我同hoy傾左好多野，佢都算係開導左我啦，我多謝佢。跟住佢話，呢單野一定要同我父母講。話可以同我配合，但一定要比佢地知到。我係好唔想囉。
去到今日，hoy今朝搵左我同班閨密去傾，希望我地唔好再send相+傳單野出去，不但會損害我同A嘅聲譽，更會損害學校聲譽。
仲話，咁樣做，令A唔會重蹈覆轍，令我冇咁不安。
點解單野淨係同hoy傾左兩日，但感覺上好似已經傾左好耐咁
我到宜家回想幅相，甚至只係回想返件事，我都覺得好恐怖，不安，緊張。我覺得係有少少童年陰影嘅feel，件事已經對我嘅心理上造成影響。我地都係12歲（剛過13）姐，點解會發生啲咁嘅事？我依然諗緊要點樣向父母交代呢件事。時間係最好嘅療藥，我希望不安感盡快退去。
sor for 1999，感謝睇到呢度嘅你
有少少廢文feel，即管鬧。
圖Link: https://ibb.co/2yvhRxN